Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

El úmiti: Daryndy oqýshylar qalaı anyqtalady

2021 jyldyń 20 qazan 2021 19:33

KÓKShETAÝ. QazAqparat - «El úmiti» aıasynda Qazaqstanda birneshe bilim jobasy iske asyrylýda. Onyń arasynda aýyl oqýshylaryna arnalǵan «Myń bala» ulttyq olımpıadasy, «Elbasy medali» baǵdarlamasy, «Birge oqý» onlaın-mektebi jáne «Qabilet qyzmeti» bar. Bul týraly jýrnalıstermen ótken brıfıngte Aqmola oblystyq bilim basqarmasy basshysynyń orynbasary Botakóz Dúısenova aıtty, dep habarlaıdy QazAqparat tilshisi.

«El úmiti» bastamasy boıynsha Nursultan Nazarbaev qory Úkimetpen, oblys ákimdikterimen, qoǵamdyq birlestiktermen, jeke bilim uıymdarymen, bıznes-qoǵamdastyqpen jáne barlyq múddeli taraptarmen yntymaqtastyqta birneshe bilim jobasyn iske asyrady.

Bul - aýyl oqýshylaryna arnalǵan «Myń bala» ulttyq olımpıadasy, «Elbasy medali» baǵdarlamasy, «Birge oqý» onlaın-mektebi jáne «Qabilet qyzmeti».

«2020 jyly Aqmola oblysynan «Elbasy medali» baǵdarlamasyna qatysýǵa 1 030 ótinim kelip tústi, 259 qatysýshy tirkeldi. 21 qatysýshy qola medalmen marapattaldy. Aǵymdaǵy jyly 1 674 ótinim berildi, 574 qatysýshy tirkeldi. 101 qola jáne bir kúmis medalmen marapattaldy», - dedi Botakóz Dúısenova.

Ekinshi jyl aýyl oqýshylaryna arnalǵan «Myń bala» ulttyq zııatkerlik olımpıadasy ótkiziledi.

Onyń jeńimpazdary elimizdiń úzdik mektepterinde bilim alýǵa múmkindik alady.

«2020 jyly olımpıadanyń birinshi kezeńine Aqmola oblysynan 13 731 oqýshy qatysty. Onyń ishinde 300 bala ekinshi kezeńge ótip, 83 jeńimpazdy anyqtady. 2021 jyly birinshi kezeńge 6 486 oqýshy qatysty, onyń ishinde ekinshi kezeńge 263 oqýshy ótti, 51 oqýshy jeńimpaz atandy. Barlyq jeńimpazdarǵa «Birge Oqý» onlaın-mektebine tegin kirý múmkindigi beriledi. Altynshy synyp jeńimpazdary konkýrstan tys daryndy balalarǵa arnalǵan mamandandyrylǵan mektepterge qabyldana alady. 2020 jyly mundaı oqýshylar sany 17, 2021 jyly - 15 boldy», - dep tolyqtyrdy basqarma basshysynyń orynbasary.

Eske sala ketsek, 2019 jyly Nursultan Nazarbaev daryndy oqýshylar men jastardy anyqtaý jáne qoldaý jónindegi «El úmiti» bastamasynyń jobalaryn usynǵan bolatyn.


Avtor Aslan Ospanov
Basty sózder: Mektep, Oqýshy, Bilim, Aqmola oblysy,
Joǵary qaraı