Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elvıra Ázimova: Prezıdent tapsyrmasy barlyq óńirde birdeı oryndalyp jatqan joq

2022 jyldyń 26 qańtar 2022 23:43

NUR-SULTAN. QazAqparat – QR Adam quqyqtary jónindegi ýákili Elvıra Ázimova Memleket basshysynyń qańtardaǵy jappaı tártipsizdikke qatysýshylardyń jazasyn jeńildetý týraly tapsyrmasynyń keı óńirde oryndalmaı jatqanyn aıtty, dep habarlaıdy QazAqparat tilshisi.

«Buqaralyq aqparat quraldarynda jáne prokýratýranyń atyna málimdeme jasaýǵa batyly jetken azamattardy qýdalaýdan ári qysym kórsetýden tyıylýymyz qajet. Prokýratýranyń BAQ pen áleýmettik jelidegi qoǵamdyq rezonans týdyrǵan shaǵymdarǵa jedel jáne jarııa túrde áreket etýi mańyzdy. Protsessýaldyq is-áreketterdi júrgizý barysyndaǵy qatigezdik tanytý, advokattyń bolmaýy, psıhologııalyq qysym kórsetý jáne basqa da zańbuzýshylyqtar týraly habarlamalar sýdıalar men prokýrorlardyń tarapynan qaperge alynýy tıis. Bul ákmshilik jaza týraly sot sheshimin shyǵarýǵa da qatysty»,-dedi Elvıra Ázimova Eýropalyq odaq elderiniń adam quqyqtary jónindegi 10 elshisimen onlaın kezdeý barysynda.

Onyń atap ótýinshe, 25 qańtarda elimizdiń Bas prokýratýrasy qańtar oqıǵasyna qatysty 9 257 ákimshilik is qaralǵanyn habarlaǵan.

Atalǵan istiń jartysyna jýyǵynda, ıaǵnı 4 584 iste sot aıyptalýshylarǵa eskertý ǵana bergen.

«Jappaı tártipsizdikke deıin beıbit sherýdiń bolǵany memlekettik deńgeıde moıyndalǵanyn eskere otyryp, barlyq protsessýaldyq tetikterdi iske qosý qajet. Osyǵan oraı, Bas prokýrordan arnaýly jáne tergeý prokýrorlaryna jergilikti jerlerde tıisti is-sharalardy qabyldaýdy tapsyrýyn ótinemin. Ókinishke qaraı, biz Memleket basshysynyń aýyrlatatyn mán-jaı bolmaǵan kezde jappaı tártipsizdikke qatysýshylardyń jazasyn jeńildetý týraly tapsyrmasynyń barlyq óńirde birdeı oryndalmaǵanyn baıqap otyrmyz», - dedi ol.


Joǵary qaraı