Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy 100 myń otbasyǵa 50 myń teńge kóleminde qosymsha tólemder uıymdastyrýdy tapsyrdy

2020 jyldyń 12 qazan 2020 19:36

NUR-SULTAN. QazAqparat – «Nur Otan» partııasynyń Tóraǵasy Nursultan Nazarbaev Baýyrjan Baıbekti qabyldady. Bul týraly QazAqparat elbasy.kz saıtyna silteme jasap habarlaıdy.

Kezdesýde jýyrda ótken praımerızdiń nátıjeleri talqylandy.

Partııa Tóraǵasy birinshi orynbasarynyń aqparatyna sáıkes, partııa músheleriniń 84,2 paıyzy daýys berýge qatysty. Onyń 88 paıyzy onlaın rejıminde daýys berdi. Tirkelgen 10073 kandıdattyń 36 paıyzdan astamy áıelder, al 29 paıyzy 35 jasqa deıingi jastar. Іshki partııalyq irikteý nátıjesinde 20 myńnan astam usynys jınaldy. Onyń ishinde turǵyn úı qatynastary men turǵyn úı-kommýnaldyq sharýashylyǵy, ınfraqurylym men kólik, bilim berý men densaýlyq saqtaý salalaryna qatysty usynystar bar.

Nursultan Nazarbaev praımerız sabaqtastyqty saqtaı otyryp, partııa qataryn jańartýǵa múmkindik bergen naǵyz áleýmettik lıftke aınalǵanyn atap ótti.

«Bul biraz adam qatysqan partııanyń aýqymdy is-sharasyna aınaldy. Biz ony alǵash ret ótkizip otyrmyz. Partııa nazar aýdarýǵa tıis kóptegen usynys pen másele kóterildi. «Nur Otan» – naqty ister partııasy. Biz qabyldaǵan baǵdarlamalar mindetti túrde oryndalýy kerek», – dedi Elbasy.

Sonymen qatar Qazaqstannyń Tuńǵysh Prezıdenti partııanyń saılaýaldy baǵdarlamasynyń jobasyna jeke toqtaldy.

«Saıası keńestiń Bıýrosynda respýblıkalyq saılaýaldy baǵdarlamanyń jobasyn talqylaǵan edik. Qazirgi kúrdeli ahýal eskerile otyryp, baǵdarlamada bizdiń maqsattar ben aýqymdy mindetter bekitildi. Bul jumysqa partııanyń barlyq músheleri jumyldyrylady. Sebebi, munyń bári halyqtyń ál-aýqatyn jaqsartýǵa baǵyttalyp otyr. Bizdiń saılaý aldyndaǵy ýádelerimizdiń bárin oryndaý úshin jan-jaqty qamdaný kerek», – dedi partııa Tóraǵasy.

Kezdesý barysynda Elbasy partııaǵa «Birgemiz» qorymen birlesip, búkil el boıynsha taǵy 100 myń áleýmettik az qamtylǵan otbasyǵa 50 myń teńge kóleminde qosymsha tólemder uıymdastyrýdy tapsyrdy.

– Partııanyń ortalyq apparaty men bizdiń aktıv aýqymdy jumys istedi. Men olarǵa qajyrly eńbegi úshin alǵysymdy bildiremin. Alda áli atqaratyn sharýa kóp. El ıgiligine baǵyttalǵan jumysty jalǵastyrýymyz kerek, – dedi Qazaqstannyń Tuńǵysh Prezıdenti.


Joǵary qaraı