Aýa raıy
Astana -9 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy: 2050 jyly Túrkistan turǵyndarynyń sany 500 myńǵa jetýi tıis

2020 jyldyń 1 jeltoqsan 2020 22:00

NUR-SULTAN. QazAqparat – QR Tuńǵysh Prezıdenti— Elbasy Nursultan Nazarbaev «Qazaqstan» ulttyq arnasyndaǵy «Túrkistan: Kóne men keleshek kópiri» derekti fılminde Túrkistan qalasyn damytýǵa qansha qarajat bólingenin aıtyp berdi, dep habarlaıdy QazAqparat.

«Astanany salǵan qarajat baıaǵyda ózin-ózi aqtady, qazir bul qala bıýdjetine aqsha quıatyn donor boldy. Sol sııaqty birinshi kezeńde Túrkistanǵa 350 mlrd teńge aqsha jumsalatyn boldy. Onyń 50 paıyzyn jeke menshikter bıznes retinde salyp jatyr. Sondyqtan onyń aýyrtpashylyǵy bolmaıdy dep oılaımyn. Bul da bir úlken qala bolǵan soń, barlyǵy atsalysady. Sebebi Túrkistannyń turǵan jeri – qalyń jurttyń ortasy, qazaqtyń qaımaǵy buzylmaǵan, ǵuryp-salttardy saqtaıtyn eldiń ortasy», - dedi N. Nazarbaev.

Onyń aıtýynsha, oblys ortalyǵy atanǵan eki jylda 160 nysannyń jartysy salynyp bitti. Onyń ishinde ákimshilik ǵımaraty, qazaq drama teatry, kongresssh hol, 10 myń oryndyq stadıon, jastar saraıy bar.

Bas josparǵa saı 2050 jyly Túrkistan turǵyndarynyń sany 500 myńǵa jetýi tıis.

Buǵan deıin N. Nazarbaev «El astanasynyń Túrkistanǵa kóshýi múmkin be?» degen suraqqa jaýap bergen edi.

Sonymen birge, Túrkistannan Tashkente temir jol salynyp, Samarqan, Buqara, Tashkent, Shymkent, Túrkistan qalalarynan úlken sheńber jasalmaq.


Joǵary qaraı