Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elbasy Ázerbaıjandy EAEO janyndaǵy memlekettik baqylaýshy bolýǵa shaqyrdy

2021 jyldyń 10 jeltoqsan 2021 18:18

NUR-SULTAN. QazAqparat – Joǵary Eýrazııalyq ekonomıkalyq keńestiń Qurmetti Tóraǵasy, QR Tuńǵysh Prezıdenti - Elbasy Nursultan Nazarbaev EAEO elderi arasyndaǵy yntymaqtastyqqa baǵa berdi, dep habarlaıdy QazAqparat.

«Búgin Qazaqstan Respýblıkasy Táýelsizdigi kúni qarsańynda júzdesip otyrmyz. Jeke men úshin Tuńǵysh Prezıdent retinde 30 jyldyq kezeńniń alar orny aıryqsha. 30 jyl buryn ýaqyt bizden jańa batyl sheshimderdi qabyldaýdy talap etti. Bizdiń memleketterimiz arasynda úzilgen saýda baılanystaryn qalpyna keltirý qajet boldy, dál sol kezde 1994 jyly men Máskeý memlekettik ýnıversıtetiniń qabyrǵasynda EAEO qurý ıdeıasyn alǵash ret usyndym», - dedi Tuńǵysh Prezıdent.

Óz sózinde Elbasy geografııalyq jaǵynan jalpy tarıhy men dástúrleri jaqyn elderdiń ózara tıimdi yqpaldastyq negizinde damýy qajettigin aıtty.

«Jıyrma jyl boıy barlyq memleketterdiń qajyrly jumysy qajet boldy jáne qazir bul ıdeıalardyń bári júzege asty. Biz Eýrazııalyq ekonomıkalyq keńestiń tolyqqandy ıntegratsııalyq birlestik retinde qalyptasý kezeńinen óttik, ol ulttyq ekonomıkalardyń turaqty damýyn qamtamasyz etetin aýqymdy biryńǵaı naryqqa aınaldy. EýrAzEQ qurylǵannan beri odaq músheleri bir-birine tıimdi kómektesetin senimdi áriptester, odaqtastar ekenin kórsetti. Búgingi tańda COVID-19 pandemııasynan týyndaǵan álemdik syn-qaterler jaǵdaıynda bizge odan da kóp yntymaqtastyq qajet», - dedi N. Nazarbaev.

Sonymen birge, Nursultan Nazarbaev baýyrlas halyq Ózbekstanǵa EAEO janyndaǵy memlekettik baqylaýshy mártebesi berilgenin mańyzdy oqıǵa dep atady.

«Ekinshi jaǵynan, men Armenııa men Ázerbaıjan arasyndaǵy qarym-qatynas kópjyldyq kelispeýshilikten keıin durystalǵanyna shyn júrekten qýanyshtymyn. Meniń oıymsha, biz bárimiz osyndaı pikirdemiz. Sonymen qatar, buryn aıtylǵandaı, Ázerbaıjan Respýblıkasymen de baqylaýshy bolý úshin kelissózder júrgizýge bolady dep sanaımyz. Munda Ózbekstan tájirıbesi úlgi bolýy kerek, menińshe Ózbekstan budan kóp nárse utty. Bıyl qyrkúıek aıynda EEK pen ShYU arasyndaǵy ózara túsinistik týraly memorandýmǵa qol qoıdyq. EAEO elderi EO-men, ShYU-men yntymaqtastyǵyn odan ári nyǵaıtý maqsatynda túrki memleketteriniń uıymdary quryldy, buǵan deıin aıtqanymyzdaı, «Úlken Eýrazııa» dep atalatyn 4 jaqty ekonomıkalyq forým qurýdy oılastyrýǵa bolar edi», - dedi N. Nazarbaev.



Joǵary qaraı