Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy BUU Bas Assambleıasynyń joǵary deńgeıdegi plenarlyq otyrysyna qatysýshylarǵa úndeý joldady

2021 jyldyń 8 qyrkúıek 2021 20:35

NUR-SULTAN. QazAqparat - Nıý-Iork qalasynda Birikken Ulttar Uıymy Bas Assambleıasynyń Halyqaralyq ıadrolyq synaqtarǵa qarsy is-qımyl kúnine arnalǵan joǵary deńgeıdegi plenarlyq otyrysy ótip jatyr, dep habarlaıdy Elbasynyń baspasóz qyzmeti.

Jıyn Qazaqstannyń Tuńǵysh Prezıdentiniń beıneúndeýimen ashyldy. Nursultan Nazarbaev jahandyq qaýipsizdikti qamtamasyz etýge baǵyttalǵan qyzmettiń mańyzdylyǵyna toqtalyp, halyqaralyq arenada antııadrolyq qozǵalysty ilgeriletý jolyndaǵy qazaqstandyq dıplomatııanyń erekshe kúsh-jigerin atap ótti.

– Osydan otyz jyl buryn men álemdegi eń iri ıadrolyq polıgonnyń biri – Semeı ıadrolyq polıgonyn jabý týraly Jarlyqqa qol qoıdym. Bul adamzat tarıhynda ıadrolyq synaqtar ótkizýge zańdyq turǵyda tyıym salǵan alǵashqy sheshim edi. Semeı polıgonynan keıin dúnıe júzi boıynsha basqa da polıgondar jabyldy nemese toqtatyldy. ıAdrolyq synaqtarǵa tyıym salý jahandyq sıpatqa ıe boldy, – dedi Elbasy.

Beıneúndeýdiń tolyq nusqasyn tómendegi vıdeodan kórýge bolady.



Joǵary qaraı