Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy Donald Trampqa jedelhat joldady

2020 jyldyń 3 qazan 2020 15:45

NUR-SULTAN. QazAqparat - Elbasy Nursultan Nazarbaev Amerıka Qurama Shtattarynyń Prezıdenti Donald Trampqa jedelhat joldady, dep habardaıdy elbasy.kz saıty.

Qazaqstannyń Tuńǵysh Prezıdenti Donald Tramp pen onyń jubaıy Melanııa Tramptyń koronavırýstan tezirek saýyǵyp ketýine tilektestik bildirdi.

«Sizdiń jáne Birinshi hanym Melanııa Tramptyń koronavırýs indetine baılanysty tapsyrǵan testiniń oń nátıje kórsetkeni týraly habardy ókinish sezimimen qabyldadym.

Ózińizdi kúsh-qýaty mol, jigerli ári synaqtardy únemi jeńil eńseretin tulǵa retinde bilemin. Osy dertten tezirek saýyǵyp, Amerıka halqynyń órkendeýine baǵyttalǵan jaýapty qyzmetińizge oralýyńyzdy tileımin.

Búgingi tańda bizdiń elderimiz ben búkil halyqaralyq qoǵamdastyq kúrdeli kezeńdi bastan ótkerýde, jaqyn bolashaqta ózara qoldaý men túsinistik negizinde pandemııany jeńip, esh kidirissiz damý jolyna qaıta oralatynymyzǵa kámil senemin.

Sizge jáne otbasyńyzǵa osy naýqastan jedel ári tolyq jazylyp shyǵýlaryńyzǵa tilektestigimdi bildiremin.

Bul jaǵdaıdy óz basymnan ótkizgen adam retinde Sizderdi dárigerlerdiń aqyl-keńesin ustanyp, aıtqanyn oryndaýǵa shaqyramyn», – delingen jedelhatta.

Eske salsaq, AQSh prezıdenti Donald Tramp pen onyń zaıyby Melanııa koronavırýs juqtyrdy.

«Búgin keshke AQSh-tyń birinshi hanymy jáne men koronavırýsqa test tapsyrdyq. Ol oń nátıje kórsetti. Biz dereý karantınge shyǵyp, em qabyldaýdy bastap kettik. Biz buny birge eńseremiz!» - dep jazdy prezıdent Twitter -de.

Sondaı-aq, QR Prezıdenti Qasym-Jomart Toqaev AQSh prezıdenti Tramp pen onyń jubaıy Melanııanyń koronavırýstan tezirek saýyǵyp ketýine tilektestik bildirdi.


Joǵary qaraı