Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy Eýrazııa aýqymynda jańa uıym qurýdy usyndy

2021 jyldyń 17 qarasha 2021 16:40

NUR-SULTAN. QazAqparat – Úlken Eýrazııanyń tórtjaqty ekonomıkalyq forýmyn qurý qajet. Bul týraly QR Tuńǵysh Prezıdenti – Elbasy Nursultan Nazarbaev aıtty, dep habarlaıdy QazAqparat tilshisi.

«Eýrazııa elderi jańa daǵdarystyń aldyn alý maqsatynda júıeli dıalogty jolǵa qoıýy qajet. Bul úshin baıaǵydan beri, tipti úshinshi eldermen de jumys istep turǵan óńirlik halyqaralyq birlestik negizgi arna bola alady», - dep eske aldy Elbasy «Astana klýb-2021» otyrysynda.

QR Tuńǵysh Prezıdenti Eýrazııalyq ekonomıkalyq odaq, Eýropalyq odaq, Shanhaı yntymaqtastyq uıymy, sonymen qatar taıaýda qurylǵan Túrki memleketteri uıymy arasynda tikeleı baılanystardy damytatyn ýaqyt jetkenin atap ótti.

«Olardyń barlyǵynda eń aldymen ekonomıkalyq yntymaqtastyqqa baǵdarlaný tán. Dál osy ekonomıkalyq yntymaqtastyq bazasynda saıası, mádenı jáne ózge de baılanystar artady. Bul búkil ǵalamshar úshin úlken jeńis bolar edi. Osyǵan oraı Úlken Eýrazııanyń tórtjaqty ekonomıkalyq forýmyn qurýdy usynamyn. Onda elderimiz Eýrazııadaǵy kooperatsııanyń barlyq múmkindikterin talqylap, ilgerilete alar edi. Qazaqstan Memleket jáne Úkimet basshylary deńgeıindegi mundaı forýmdy uıymdastyrýshylardyń biri bola alady», - dedi Nursultan Nazarbaev.


Joǵary qaraı