Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy: Qazaqstandyqtar Prezıdent nusqaǵan baǵyt tóńireginde toptasýy kerek

2021 jyldyń 23 qarasha 2021 19:18

NUR-SULTAN. QazAqparat – Prezıdent Qasym-Jomart Kemeluly Toqaev basshylyǵymen iske asyp jatqan keshendi áleýmettik-ekonomıkalyq jáne saıası reformalardy zańnamalyq turǵyda qamtamasyz etý mańyzdy. Elbasy Nursultan Nazarbaev «Nur Otan» partııasy Saıası keńesiniń keńeıtilgen otyrysynda osyndaı pikir bildirdi, dep habarlaıdy QazAqparat tilshisi.

«Jańa zaman shyndyǵy áleýmettiń, memleketterdiń jáne tutas óńirlerdiń jikshildigin shıelenistire tústi. Álemde ashyq popýlızm kóbeıip, adamdardyń dúnıetanymy men minez-qulqyn ózgertip jatyr. Dástúrli ustyndar men otbasylyq qundylyqtarǵa qysym kúsheıýde. Jahandyq turaqsyzdyq bir-eki jyl ǵana sozylyp jatqan joq. Sondyqtan «Nur Otan»-nyń sońǵy parlamenttik saılaýda partııa usynǵan saılaý «Synaqtardy eńserip, birge jeńemiz!» urany ózekti bolyp qala beredi», - degen Nursultan Nazarbaev «Nur Otan» partııasynyń mindeti adamdardy ajyratý emes, biriktirý ekenin atady.

«Bizdiń tarıhymyz osy joldyń durystyǵyn dáleldedi. Búgin el Prezıdenti Qasym-Jomart Kemeluly Toqaevtyń basshylyǵymen keshendi áleýmettik-ekonomıkalyq jáne saıası reformalar júzege asyrylýda. Olardy zańnamalyq qamtamasyz etý mańyzdy mánge ıe bolyp otyr. Jańa Parlament jumys isteı bastaǵannan beri Májilis qaraýyna 128 zań jobasy engizildi. 80 zań qabyldandy. Olardyń 19-yn «Nur Otan» fraktsııasynyń depýtattary ázirledi», - dedi Tuńǵysh Prezıdent.

Onyń aıtýynsha, depýtattar daǵdarysqa qarsy sharalardy qoldaýǵa baǵyttalǵan zańdardy ýaqtyly qabyldaı otyryp, pandemııanyń kúrdeli kezeńinde tabysty jumys istegen.

«Depýtattyq korpýs bul jumysty jalǵastyrýǵa tıis. Barlyq qazaqstandyqtardyń Prezıdenttiń nusqaǵan memlekettik baǵdar tóńireginde toptasyp, ony iske asyrý úshin birge jumys isteýi mańyzdy. «Nur Otan» partııasy bılik pen qoǵamdy biriktire otyryp, bul máselemen belsendi túrde aınalysýy tıis», - dedi Elbasy.



Joǵary qaraı