Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elbasy kitaphanasynda «Nızamı Gánjaýı» art-albomynyń tusaýy kesildi

2021 jyldyń 14 jeltoqsan 2021 17:27

NUR-SULTAN. QazAqparat – Búgin QR Tuńǵysh Prezıdenti – Elbasy kitaphanasynda ázerbaıjan halqynyń uly aqyn-fılosofy Іlııas ıbn Júsip Nızamıdiń (ádebı laqap esimi – Gánjaýı) 880 jyldyǵyna arnalǵan «Nızamı Gánjaýı» art-albomynyń tusaýy kesildi, dep habarlaıdy QazAqparat tilshisi.

Albomǵa Nızamı shyǵarmalarynyń negizinde jaryq kórgen túrli tanymal sýretshilerdiń 100-den astam jumysy engen. Ústimizdegi jyl Ázerbaıjanda Nızamı jyly dep jarııalanǵan.

Іs-sharany ashqan Elbasy kitaphanasynyń dırektory Baqytjan Temirbolat: «Qazaqstannyń Tuńǵysh Prezıdenti Nursultan Ábishuly Nazarbaev «Uly dalanyń jeti qyry» maqalasynda «Tól tarıhyn biletin, baǵalaıtyn jáne maqtan etetin halyqtyń bolashaǵy zor» dep atap kórsetken bolatyn. Elbasy kitaphanasy TÚRKSOI uıymynyń túrki áleminiń uly oıshyly Nızamı Gıandjavıdiń kórkem albomyn tanystyrý jónindegi bastamasyn qoldady. Bul eńbektiń túrki halyqtarynyń ǵana emes, álem órkenıetiniń tarıhyna, ǵylymy men mádenı murasyna eleýli úles qosatynyna senimdimin», - dedi.




«Sabyr túbin sary altyn sanaǵan Nızamı Gánjaýı ómir synaǵynyń tap bolǵandarǵa taǵylym bolatynyn bilgen. Tózimdilik – shatasqan túıindi sheshetin qasıet... Eńbek etkendi qara jer de qur qaldyrmaıtynyn jetkizýge tyrysqan Nızamıdiń qazaq tarıhy men mádenıetimen baılanysy tyǵyz. Uly oıshyldyń shyǵarmashylyǵy qazaq ádebıetinde jyl saıyn kóbeıip keletini bizdi qýantady», - dedi óz kezeginde Ázerbaıjan Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Aǵalar Atamoǵlanov.

Elbasy kitaphanasy baspasóz qyzmetiniń atap ótýinshe, «Nızamı Gánjaýı» art-albomyn qurý ıdeıasynyń avtory – TÚRKSOI bas hatshysy Dúısen Qaseıinov.




«Albomǵa engen ár sýrettiń ózindik tarıhy bar. Basylymnyń oqyrmany múmkindiginshe kóp bolsyn dep, albomdy aǵylshyn tilinde jaryqqa shyǵardyq. Mundaı mańyzdy kitaptardy biz serııamen basýdy uıǵardyq. Olardyń qatarynda Abaı Qunanbaıuly, Oljas Súleımenov, Shyńǵys Aıtmatov syndy uly tulǵalarǵa arnalǵan eńbekter bar. Búginde Álisher Naýaı, Maqtymquly Dáýletmámedulyna arnalǵan albomdar ázirlený ústinde. TÚRKSOI túrki álemindegi kórnekti tulǵalardyń murasyn jańǵyrtýdy kózdeıdi», - dedi Dúısen Qaseıinov.




Nızamı mereıtoıynyń tusynda TÚRKSOI Reseı, Belarýs, Ýkraına, Polsha, Qyrǵyzstan jáne basqa da birqatar elderde aýqymdy is-sharalar uıymdastyrdy. Nızamıdiń eń sońǵy ári eń mańyzdy shyǵarmalarynyń biri «Eskendirnama» shyǵarmasyn qazaq tiline aýdarǵan qazaqtyń birtýar aqyn-aǵartýshysy Abaı Qunanbaıulynyń mereıtoıy da byltyr keń kólemde atalyp ótti. Abaı Nızamıdi óziniń ustaz tutyp, shyǵarmashylyǵyn qatty qurmettegen.

«Nızamı Gánjaýı» art-albomynyń tusaýkeseri fotosýretter kórmesimen jalǵasty. Іssharaǵa TÚRKSOI uıymynyń ókilderi, Qazaqstannyń memleket jáne qoǵam qaıratkerleri, dıplomattar men ǵalymdar, sondaı-aq BAQ ókilderi qatysty.








Joǵary qaraı