Aýa raıy
Astana 2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy Shymkenttegi «Kazmedprıbor» JShS qyzmetimen tanysty

2020 jyldyń 29 qyrkúıek 2020 15:45

ShYMKENT. QazAqparat – Qazaqstannyń Tuńǵysh Prezıdenti Nursultan Nazarbaev Shymkent qalasynda medıtsınalyq qural-jabdyqtar, medıtsınalyq jıhazdar men medıtsınalyq kólikter shyǵaratyn kásiporynda boldy, dep habarlaıdy QazAqparat.

Elbasynyń resmı saıtynda málim etilgendeı, 2013 jyldan bastap qazirgi ýaqytqa deıin «Kazmedprıbor» JShS 15 myńnan astam medıtsınalyq qural-jabdyq, 120 myńnan astam medıtsınalyq jıhaz ben 742 jedel járdem kóligin jasap shyǵardy. Kásiporyn 2005 jyly qurylǵan.

Shymkent qalasynyń ákimi M.Áıtenov Elbasyǵa jeke ınvestordyń qarajatyna salynatyn 1000 oryndyq kópsalaly ýnıversıtettik aýrýhana qurylysy týraly aqparat berdi. Jańa medıtsınalyq mekemede ana men bala ortalyǵy, hırýrgııalyq, terapevtik ortalyqtar, sonymen qatar bir aýysymda 700 adamǵa qyzmet kórsetetin klınıkalyq-dıagnostıkalyq ortalyq jumys isteıtin bolady dep josparlanyp otyr.





Sondaı-aq «Samuryq-Qazyna» aktsıonerlik qoǵamynyń basqarma tóraǵasy A.Esimov pandemııa kezinde ulttyq ál-aýqat qory tarapynan densaýlyq saqtaý júıesi men otandyq óndirýshilerdi qoldaý úshin qabyldanǵan sharalar týraly aıtty. Sonymen qatar Nursultan Nazarbaevqa elorda men Almatyda medıtsınalyq ortalyqtar salý jónindegi tapsyrmanyń oryndalý barysy baıandaldy.

A.Esimov Elbasyna 3000 dana kóleminde «Avıfavır» dárisin satyp alý jáne koronavırýsqa qarsy vaktsına jetkizý boıynsha jasalǵan kelisim týraly málimet berdi.

«Kazmedprıbor» JShS sh yǵaratyn negizgi ónim túrleri: medıtsınalyq mashınalar; ókpeni jasandy jolmen tynystandyratyn apparattar (týrbınalyq, neonataldyq, portatıvtik); patsıentterge arnalǵan monıtorlar; elektrokardıografııa apparaty; zerthanalyq shkaf; fýnktsıonaldy kereýetter jáne t.b.





Óndiristik qýat kólemi: medıtsınalyq qural-jabdyq – jylyna 50 myń dana; medıtsınalyq jıhaz – jylyna 150 myń dana; medıtsınalyq kólik – jylyna 1000 dana. Sonymen qatar ónimniń jańa túrleri – ókpeni jasandy jolmen tynystandyratyn týrbınalyq apparat, jańa týǵan nárestelerge arnalǵan ınkýbator, jańa týǵan nárestelerge arnalǵan ókpeni jasandy jolmen tynystandyratyn apparattar shyǵarady. Qazaqstandyq qamtý úlesi 51,2-ten 98 paıyzǵa deıin.








Joǵary qaraı