Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy tarıhı otanyna oralǵan qandastarymyz jaıynda aıtty

2021 jyldyń 1 jeltoqsan 2021 23:02

ER-RIıAD. QazAqparat –Elbasy Nursultan Nazarbaev ózi týraly túsirilgen fılmde qandastarymyz jaıynda aıtty, dep habarlaıdy QazAqparat tilshisi.

«Barlyq ýaqytta da Malaızııada biz sııaqty 16 mln adam bolǵanyn aıtyp kelemin. 40 jyldan keıin olardyń sany 60-70 mln adamǵa jetti. Biraq qazir jaǵdaı basqa. Búginde mádenıetti bola tústi, otbasyn josparlaıtyn boldy. Qalaı desek de bári durys bolady dep oılaımyn», - dedi Nursultan Nazarbaev Olıver Stoýnnyń «Qazaq. Altyn adam tarıhı» derekti fılminde.

Elbasy elimizde bala týý kórsetkishiniń jaqsarǵanyn aıtty.

«Buǵan qosa, sonaý qıyn-qystaý jyldary – tóńkeris, soǵys, ashtyq jyldary 3-4 mln qazaq jan-jaqqa ketip qaldy. Táýelsizdik alǵannan keıin meniń bastamam boıynsha 1 mln adam elge oraldy. Jumys, kóterme járdemaqy berdik. Bul lek jalǵasýda. Etnıkalyq qazaqtardyń eshqaısysyna da óz Otanyna oralýynan kedergi keltirmeımiz. ıAǵnı, protsess jalǵasyp jatyr», - dedi Nursultan Nazarbaev.

Eske salsaq, «Oskar» syılyǵynyń 3 márte ıegeri ataqty kınorejıser, stsenarıst Olıver Stoýnnyń prodıýserligimen jaryq kórgen «Qazaq. Altyn adam tarıhy» atty fılmdi túsirýge 19 aı ketken.


Joǵary qaraı