Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy Jambyl oblysyndaǵy áleýmettik-mádenı nysandarǵa bardy

2021 jyldyń 14 qyrkúıek 2021 17:43

JAMBYL OBLYSY. QazAqparat - Elbasy Nursultan Nazarbaev Jambyl oblysyndaǵy áleýmettik-mádenı nysandarǵa bardy. Bul týraly QazAqparat elbasy.kz saıtyna silteme jasap habarlaıdy.

Qazaqstannyń Tuńǵysh Prezıdenti aldymen Jambyl oblysynyń ákimi B.Saparbaevpen kezdesti. Kezdesýde Elbasyǵa áskerı qoımadaǵy jarylystan zardap shekken Baızaq aýdany turǵyndaryna kómek kórsetý sharalary jáne qalpyna keltirý jumystary týraly málimet berildi.




Jambyl oblysynyń ákimi Elbasyǵa óńirdiń áleýmettik-ekologııalyq damýy, «Nur Otan» partııasynyń saılaýaldy baǵdarlamasynyń júzege asyrylý barysy jaıly, sondaı-aq agrarlyq sektordaǵy máselelerdi sheshýge jáne halyqty jumyspen qamtýǵa baǵyttalǵan sharalar týraly baıandady. Qazaqstannyń Tuńǵysh Prezıdenti óńir basshylyǵynyń jumysyna oń baǵa berdi.




Kezdesýden keıin Elbasy «Áljan ana» tarıhı mýzeıiniń qyzmetimen tanysyp, mekeme aýmaǵyna aǵash otyrǵyzý rásimine qatysty. Qazaqstannyń Tuńǵysh Prezıdenti sondaı-aq aýyldaǵy Mádenıet úıine bardy. Bul Mádenıet úıinde kitaphana jáne túrli úıirmeler jumys isteıdi, 250 oryndyq kontsert zaly bar. N.Nazarbaev Jambyl oblystyq fılarmonııasynyń artısteri men aýdandyq Mádenıet úıiniń shákirtteri oryndaǵan mýzykalyq shyǵarmalardy tyńdady.










Qazaqstannyń Tuńǵysh Prezıdenti sondaı-aq sporttyq-saýyqtyrý kesheniniń jumys barysymen tanysty. Atalǵan keshende aýqymdy arena, ámbebap zal jáne kúres pen boksqa arnalǵan zal bar. Búginde sporttyq-saýyqtyrý kesheninde tórt júzden astam bala men jetkinshek sporttyń erkin kúres, thekvondo, karate, voleıbol, fýtbol, boks syndy alty túri boıynsha jattyǵady.











Joǵary qaraı