Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elbasy Joǵary Eýrazııalyq ekonomıkalyq keńestiń otyrysyna qatysty

2021 jyldyń 10 jeltoqsan 2021 19:09

NUR-SULTAN. QazAqparat - Elbasy Nursultan Nazarbaev Joǵary Eýrazııalyq ekonomıkalyq keńestiń otyrysyna qatysty, dep habarlaıdy QazAqparat elbasy.kz saıtyna sillteme jasap.

Jıynda Eýrazııa ekonomıkalyq odaǵy qyzmetiniń ózekti máseleleri, 2021 jyldaǵy yntymaqtastyq qorytyndylary, sondaı-aq Odaqqa múshe elderdiń aldaǵy kezeńdegi ózara ekonomıkalyq yqpaldastyǵyn damytý jospary talqylandy.

Joǵary Eýrazııalyq ekonomıkalyq keńestiń Qurmetti tóraǵasy óz sózinde pandemııa men daǵdarystardy eńserý, esh shekteýlersiz ortaq ishki naryq qaǵıdattaryn saqtaý, sondaı-aq qazirgi zamanǵa saı damýdyń jańa baǵyttaryn aıqyndaý úshin birlesken sharalar qabyldaý qajettigin atap ótti. Sonymen qatar Elbasy Eýrazııa ekonomıkalyq odaǵy aýmaǵynda ımportty almastyratyn baǵdarlamalar ázirleý múmkindigin aıtyp, bul qadam ıntegratsııalyq birlestikke múshe elderdiń azamattary úshin jańa jumys oryndaryn ashýǵa yqpal etetinine nazar aýdardy.

«Búginde Eýrazııa ekonomıkalyq odaǵyna múshe memleketterdiń ekonomıkalyq belsendiligin arttyrý jumystaryn kúsheıtý qajet. Jahandyq senim daǵdarysy men geosaıası shıelenis jaǵdaıynda Odaqty saqtap qalýdyń jáne nyǵaıtýdyń mańyzy zor. Ol jańa qatysýshylarǵa ashyq ári basqa ıntegratsııalyq birlestiktermen yntymaqtastyqqa daıyn. Tek barlyq taraptyń úılesimdi kúsh-jigeri bizdiń ekonomıkalarymyzdyń ósimin qalpyna keltirýdiń kilti bolyp sanalady», – dedi Nursultan Nazarbaev.




Elbasy Qazaqstannyń Eýrazııa ekonomıkalyq odaǵyna tóraǵalyǵyn qorytyndylaı kele, Ózbekstanǵa baıqaýshy memleket mártebesi berilgenin jáne Eýrazııalyq ekonomıkalyq komıssııa men Shanhaı yntymaqtastyq uıymy hatshylyǵy arasyndaǵy ózara túsinistik týraly memorandýmǵa qol qoıylǵanyn quptaıtynyn atap ótti. Sondaı-aq Nursultan Nazarbaev Ázerbaıjan Respýblıkasyn Eýrazııa ekonomıkalyq odaǵyna baıqaýshy memleket retinde shaqyrý múmkindigi týraly aıtty.

Qazaqstannyń Tuńǵysh Prezıdenti Eýrazııa ekonomıkalyq odaǵynyń Eýropalyq odaqpen, Shanhaı yntymaqtastyq uıymymen jáne Túrki memleketteri uıymymen yntymaqtastyǵyn odan ári nyǵaıta túsý úshin «Úlken Eýrazııa» tórtjaqty ekonomıkalyq forýmyn qurýdy usyndy.






Joǵary qaraı