Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Elbasyna Qazaqstan halqy Assambleıasynyń 25 jyldyǵyna daıyndyq barysy baıandaldy

2019 jyldyń 18 qyrkúıek 2019 19:04

NUR-SULTAN. QazAqparat - Nursultan Nazarbaev Qazaqstan halqy Assambleıasy Tóraǵasynyń orynbasary Janseıit Túımebaevty qabyldady, dep habarlaıdy QazAparat saıtyna elbasy.kz silteme jasap.

Kezdesý barysynda Nursultan Nazarbaevqa Qazaqstan halqy Assambleıasynyń qazirgi qyzmeti men jumys josparlary jaıly aqparat berildi.

Elbasy Qazaqstan halqy Assambleıasynyń barlyq múshelerine memlekettiń qalyptasýy men damýyna qosqan úlesi úshin alǵys aıtty.

– Qazaqstan – polıetnıkalyq memleket. Bul tarıhı qalyptasqan dúnıe. Táýelsizdik alǵannan beri bizdiń kópultty halqymyz beıbitshilik pen ózara túsinistikte ómir súrip, memleketimizdiń órkendeýine belsendi atsalysyp jatyr. Qazaqstan halqy Assambleıasy elimizdiń barlyq etnostaryn biriktiredi. Men Assambleıaǵa jáne búkil Qazaqstan halqyna osy jyldar ishinde saıasatymdy qoldaǵany jáne bizdiń elimizdi nyǵaıtqany úshin óte rızamyn, – dedi Nursultan Nazarbaev.

Sonymen qatar, Qazaqstannyń Tuńǵysh Prezıdenti óńirlerde QHA jumysynyń tıimdiligin arttyrýdyń mańyzdylyǵyn atap ótti.

– Men Qazaqstan halqy Assambleıasynyń tóraǵasy retinde jumysqa belsendi qatysýǵa, barlyq isterde Assambleıany qoldaýǵa jáne onyń jumysyn jergilikti jerlerde kúsheıtýge nıettimin. Qazaqstan halqy Assambleıasyna qoǵam ómirine belsendi túrde aralasýdy ári qaraı jalǵastyrý mańyzdy, – dedi Elbasy.

Óz kezeginde J.Túımebaev eldegi ultaralyq kelisimdi nyǵaıtý boıynsha is-sharalardyń oryndalý barysy jáne Qazaqstan halqy Assambleıasynyń gýmanıtarlyq aktsııasy aıasynda qabyldanǵan sharalar jóninde baıandady.

Sondaı-aq, Elbasyna 2020 jyly Qazaqstan halqy Assambleıasynyń 25 jyldyǵyna daıyndyq barysy týraly málimet usynyldy.

Kezdesý sońynda Qazaqstan halqy Assambleıasynyń Tóraǵasy birqatar naqty tapsyrma berdi.


Joǵary qaraı