Aýa raıy
Astana -21 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Elbasynyń qolynan memlekettik nagrada alǵan polıtseı tarıhı kezdesýdi eske aldy

2020 jyldyń 28 qarasha 2020 15:51

ALMATY. QazAqparat - Almaty qalasy Bostandyq aýdanynyń ýchaskelik ınspektory, polıtsııa kapıtany Eldos Abdrahımov 2015 jyly Táýelsizdik kúni qarsańynda sol kezdegi QR Prezıdenti Nursultan Nazarbaevpen kezdesken bolatyn. Búgin polıtsııa kapıtany sol kezdesý týraly aıtty, dep habarlaıdy QazAqparat tilshisi.

PD baspasóz qyzmetiniń habarlaýynsha, polıtsııa kapıtany asa aýyr qylmysty áshkereleýge úles qosqan. Osy erligi úshin ol 2 dárejeli «Aıbyn» ordenimen marapattaldy.

«Keshki 9 shamasynda Jeltoqsan-Shevchenko kósheleriniń qıylysynda kúdikti Toyota Camry kóligi anyqtaldy. Júrgizýshi bir baǵyttaǵy kóshede qarama-qarsy júıtkip kele jatty. Toqta degen buıryqqa bet burmady. Polıtsııadan qasha bastady. Az ýaqyttan soń Toyota Pýshkın kóshesindegi aýladan tabyldy. Júrgizýshi men eki jolaýshy jaıaý qasha bastady. Alaıda, olar kóp uzamaı ustaldy», - deıdi Eldos Abdrahımov.







Qylmyskerler kásipkerdi urlap ketip, aqsha bopsalamaq bolǵan.

Salonnan kókala qoıdaı bolyp ábden taıaq jegen er adam tabyldy. Qylmyskerler týystarynan 1 mln dollar aqsha talap etip úlgergen.

Japa shekken azamat jedel járdem qyzmetkerlerine tabystalyp úlgerdi.

«Osy qyzmetim úshin men Memleket basshysynyń qolynan 2 dárejeli «Aıbyn» ordenin aldym. Maǵan 5 kún buryn Nur-Sultan qalasyna barasyń dedi. Sol ýaqyttan beri keýdemdi maqtanysh pen tolqý kernedi. Bárinen buryn ata-anam, balalarym meni qatty maqtanysh tutty. Men úshin ol kisiniń qolyn alyp, marapat alǵanym - úlken mártebe», - deıdi ol.














Joǵary qaraı