Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Eldimizdegi áskerı polıgondar jappaı tazartylady

2020 jyldyń 20 qazan 2020 01:50

NUR-SULTAN. QazAqparat - Eldimizdegi polıgondar jappaı tazartylady. Oq-dárilerdiń fragmentterinen aryltý úshin oǵan arnaıy tehnıkasy bar ınjenerlik-saperlik bólimsheler tartylady, dep habarlaıdy QazAqparat Qorǵanys mınıstrliginiń saıtyna silteme jasap.

Qorǵanys mınıstrliginde ótken apparattyq keńeste áskerlerdi tekserý qorytyndysy shyǵarylyp, jańa oqý jylyna daıyndyq boıynsha nusqaýlar berildi.

«Qorytyndy tekserýdiń aıaqtalǵany týraly baıandady. Jeke quramnyń, ásirese atystardy oryndaý jáne jaýyngerlik mashınalardy júrgizýde kásibı deńgeıiniń óskeni atap ótildi. Tekserý barysynda berilgen baǵa jyl qorytyndysy boıynsha áskerı qyzmetshilerge synyptyq biliktilik berý úshin negiz bolady, oǵan sáıkes aqshalaı ústemeaqy esepteledi. Endi bir aı kóleminde jeltoqsanda bastalatyn jańa oqý jylyna daıyndyq boıynsha is-sharalar uıymdastyrylady», deligen habarlamada.

Qorǵanys vedomstvosynyń basshysy general-leıtenant Nurlan Ermekbaev tájirıbe úshin oq atýdan keıin qalǵan oq-dárilerdiń fragmentterin jappaı tazalaý júrgizý qajet polıgondar men oqý-jattyǵý alańdaryna nazar aýdardy. Buǵan arnaıy tehnıkasy bar shtattyq ınjenerlik-saperlik bólimsheler tartylady.

«Budan bólek, oq atýǵa jáne júrgizýge tartylǵan oqý-jaýyngerlik tehnıkaǵa reglamenttik qyzmet kórsetýdi júrgizý boıynsha mindetter qoıyldy. Jańa oqý jylyna ol jeke qurammen sabaq ótkizýge daıyn bolýy kerek. Qorǵanys mınıstri oqý-ádistemelik jıyndardy ótkizýde barlyq sanıtarııalyq-epıdemıologııalyq sharalardy saqtaı otyryp, jabyq úı-jaılarda adamdardyń jınalýyna jol bermeýdi tapsyrdy», delingen habarlamada.

Áskerı bólimderde Tótenshe jaǵdaılar mınıstrligimen órt qaýipsizdigi erejeleriniń saqtalýyn birlesken tekserý uıymdastyryldy. Eń aldymen mańyzdy nysandar – qoımalar, arsenaldar, janarmaı quıý beketteri tekseriledi. Komandırler atalǵan tekserýdi sapaly júrgizý, al buzýshylyqtar anyqtalǵan jaǵdaıda olardy joıý boıynsha sharalar qabyldaý mindetin aldy.

Basty sózder: Ásker, QR Qorǵanys mınıstrligi,
Joǵary qaraı