Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Eldos Orazalın: Polıtsııanyń servıstik modeli halyq qolaılylyǵy úshin jasalýda

2022 jyldyń 28 qańtar 2022 18:30

ÓSKEMEN. QazAqparat – Shyǵys Qazaqstan oblysy Shemonaıha aýdandyq polıtsııa bólimi bastyǵynyń mindetin atqarýshy Eldos Orazalın polıtsııanyń servıstik modelge kóshý jumystary qalaı júrgizilip jatqanyn aıtyp berdi, dep habarlaıdy QazAqparat tilshisi.

Eldos Orazalınnyń aıtýynsha, Memleket basshysy Qasym-Jomart Toqaevtyń polıtsııanyń servıstik modeline kóshý jaıly tapsyrmasyn júzege asyrý maqsatynda birqatar sharalar atqarylýda.

«Servıstik model degenimiz – eń áýeli polıtsııa qyzmetkerlerine júginýdiń yńǵaıly bolýy. ıAǵnı, ýcheskelik pýnktterdiń, mobıldi posttardyń qolaıly jerlerde ornalasýy, tehnıkalyq turǵyda saqadaı saı jabdyqtalýy. Osynyń arqasynda tártip saqshylarynyń áreket etýi de jyldam bolady», - dedi ol.

Búginde aýdandaǵy Kamyshenka aýylynda ýchaskelik polıtsııa pýnkti paıdalanýǵa berildi. Buǵan sondaǵy sharýa qojalyǵynyń demeýshiligi men jergilikti ákimdiktiń qoldaýy sebep bolǵan. Onda aýyl boıynsha ornatylǵan 19 beınebaqylaý kamerasy arqyly baqylaý jasaýǵa múmkindik bar.

«Vostochnyı shaǵyn aýdanynda modýldik beket ashyldy. Ol jerde polıtseıler kún saıyn kezekshilik atqaryp, qoǵamdyq tártipti qamtamasyz etedi. Aýdan ákimdigi saqshylardy 10 planshetpen jáne prınterlermen qamtamasyz etti. Sondaı-aq aýyldyq okrýgterdegi barlyq ýchaskelik polıtsııa pýnktterge jańa kompıýterler alyndy», - dedi Shemonaıha aýdandyq polıtsııa bólimi bastyǵynyń mindetin atqarýshy.



Joǵary qaraı