Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elektr energııasyn ysyrap etkeni úshin «Astana AEK» basshylyǵy sottaldy

2021 jyldyń 22 qańtar 2021 21:14

NUR-SULTAN. QazAqparat – Elektr energııasyn orynsyz paıdalanǵany úshin «Astana AEK» AQ basqarma tóraǵasynyń orynbasary men onyń birqatar baǵynyshty qyzmetkeri sottaldy. Bul týraly AntikorNEWS alańynda QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov aıtty, dep habarlaıdy QazAqparat tilshisi.

Nur-Sultan qalasy boıynsha Sybaılas jemqorlyqqa qarsy qyzmet «Astana AEK» AQ-nyń senip tapsyrylǵan elektr energııasyn iri mólsherde jumsaý faktisi boıynsha basqarma tóraǵasynyń orynbasary A.B.Túsipbekovke, sondaı-aq onyń baǵynyshty qyzmetkerleri – AQ ýchaske bastyqtary R.G.Borısovke, B.E.Jaqypovqa jáne elektr energııasyn tutynýdy baqylaý qyzmetiniń bastyǵy Q.B.Qorabaevqa qatysty sotqa deıingi tergeý júrgizgen bolatyn.

«Sotqa deıingi tergeý barysynda kúdiktiler 13,7 mln teńge, al kásipkerlik sýbektiler 60,3 mln teńge somasyndaǵy zalaldy tolyq kólemde ótedi», - deıdi QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov.

Onyń aıtýynsha, 6 qańtar kúni Nur-Sultan qalasy Almaty aýdanynyń №2 aýdandyq sotynyń úkimimen kináliler QR QK 189-babynyń 3-bóligi, 1,3-tarmaqtary jáne QR QK 189-babynyń 3-bóligi, 3-tarmaǵy boıynsha sottalǵan.

«Jazany óteýdiń barlyq merzimi ishinde sottalǵan adamdy jylyna 100 saǵatqa májbúrlep eńbekke tarta otyryp, árqaısyna 3 jyl 6 aıǵa bas bostandyǵyna shekteý jazasy taǵaıyndaldy», - deıdi ol.


Joǵary qaraı