Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elektrondy úkimet servısi Aitu qosymshasymen ıntegratsııalandy

2021 jyldyń 31 shilde 2021 01:18

NUR-SULTAN. QazAqparat - Elektrondy úkimet servısi Aitu qosymshasymen ıntegratsııalandy, dep habarlaıdy QazAqparat. «Ulttyq aqparattyq tehnologııalar» AQ-ǵa silteme jasap.

Qazirgi ýaqytta platformada eGov.kz portalyndaǵy turǵylyqty jeri týraly anyqtama, jyljymaıtyn múliktiń bolmaýy (bolýy) týraly, jyljymaıtyn múlikke tirkelgen quqyqtar (aýyrtpalyqtar) týraly, zeınetaqy aýdarymdary týraly anyqtama, ártúrli medıtsınalyq uıymnan anyqtamalar, shetelge shyǵýǵa tyıym salýdyń bolýyn tekserý týraly anyqtama, kepil týraly anyqtamanyń barlyq túrlerin qosa alǵanda, eń suranysqa ıe kórsetiletin qyzmetterge qoljetimdi, sondaı aq HQKO-da kezekti brondaý qyzmeti de bar.

«Qazaqstan Respýblıkasynyń tsıfrlyq damý, ınnovatsııalar jáne aeroǵarysh ónerkásibi mınıstrligi usynǵan mýltıplatformalyq tásil vektoryn ustanýdy jalǵastyra otyryp, biz óz qyzmetterimizdi tanymal qosymshalar qataryna shyǵarýmen shekaramyzdy odan ári keńeıtkimiz keledi. Bizde qazirgi ýaqytta memlekettik kórsetiletin qyzmetterdi ekinshi deńgeıdegi bankterdiń qosymshalaryna shyǵarǵan sátti keıs bar. Osylaısha, biz halyqtyń memlekettik qyzmetterdi qolaıly alańda alatyndaı tańdaý jasaýyn usynýǵa umtylýdamyz»,- deıdi «Ulttyq aqparattyq tehnologııalar» AQ Basqarma tóraǵasy Rostıslav Konıashkın.

Servısti paıdalaný úshin Aitu-dy júktep, oǵan tirkelý qajet jáne «Qosymshalar» bóliminde eGov-ty tańdaý kerek nemese bólimniń joǵarǵy bóligindegi bannerdi basý qajet. Ári qaraı avtorlaný qajet, ózińizge qajetti kórsetiletin qyzmet túrin tańdap, bir mınýt ishinde jaýap alasyz. Servıs Aitu platformasynyń mobıldi nusqasynda qazaq jáne orys tilinde qoljetimdi.

Kórsetiletin qyzmet elde jáne odan tys jerlerdegi barlyq qazaqstandyqtarǵa qoljetimdi. Basty talaby — mobıldi azamattar bazasynda (MAB) tirkelý qajet. Eger paıdalanýshy MAB - ta tirkelmegen bolsa, onda eGov-ta jeke kabınetinde logın men paroldi engizý qajet nemese eGov mobile mobıldi qosymshasy arqyly shyǵarylǵan Digital ID servısi arqyly jeke tulǵany qashyqtan sáıkestendirý qyzmetin paıdalanady.

«Biz Aitu qundylyǵyn arttyrýda turaqty jumys isteýdemiz. Bul joly jumysqa ornalastyrý, BJZQ shotyndaǵy qoljetimdi somany tekserý, saparlarǵa daıyndyq jáne t.b. ómirlik jaǵdaılardy sheshýge qatysty kórsetiletin qyzmetterge basa nazar aýdardyq. Biz Aitu-dyń kómegimen kez kelgen jerde, kez kelgen ýaqytta jáne kez kelgen qurylǵyda aqparat pen kórsetiletin qyzmetterge qazaqstandyqtardyń belsendi túrde qoljetimdilikteriniń bolǵanyn qalaımyz», - dedi BTS Digital kompanııasynyń prodakt menedjeri Nursultan Ahmetov.

Aitu-daǵy eGov servısi «UAT» AQ memlekettik kontýrynyń ishinde ornalasqan, BTS Digital kompanııasy derbes derekterdi jınaýdy jáne óńdeýdi júzege asyrmaıdy.


Joǵary qaraı