Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elena Rybakına Aýstralııa chempıonatyndaǵy karantın týraly: Bári de qatań

2021 jyldyń 20 qańtar 2021 12:03

NUR-SULTAN. QazAqparat – Qazaqstannyń birinshi, álemniń 19-raketkasy Elena Rybakına Melbýrndaǵy tolyq oqshaýlanýǵa baılanysty óz pikirin bildirdi, dep habarlaıdy QazAqparat tilshisi.

Qazaqstan tennıs federatsııasynan alynǵan málimetke qaraǵanda, E.Rybakına – qazirgi kezde karantınde jatqan oıynshylardyń biri.

«Árıne, bulaı bolǵany óte ókinishti. Qonaqúı bólmesinde jalǵyzbyn, tereze ashylmaıdy. Birneshe trenajer jetkizip berdi. Kún saıyn jaǵdaıdy jaqsartý týraly uıymdastyrýshylarmen kelissóz júrgizilýde, biraq bári qatań. Araǵa bir kún salyp, test alady, ázirge bári qalypty, synama koronavırýs joqtyǵyn kórsetýde. Alǵash oqshaýlanǵan kezde aýyr tıdi, qazir úırenip kelemiz. El turǵyndarynyń qaýipsizdigi birinshi orynda ekendigin túsinemiz. Osynyń bárinen ótip, karantınnen keıin erkin júrip-turamyz dep úmittenemiz»,- dedi Elena Rybakına.

Eske sala keteıik, budan buryn Aýstralııa ashyq chempıonatyna kelgen 47 tennısshiniń karantınde jatqanyn jazǵan bolatynbyz.

Olardyń ishinde taǵy bir qazaqstandyq ıÝlııa Pýtıntseva da bar.

Aýstralııa ashyq chempıonaty 8 aqpanda bastalady. «Úlken dýlyǵa» týrnırine Qazaqstannan E.Rybakına men ıÝ.Pýtıntsevadan basqa Zarına Dııas pen ıAroslava Shvedova, erlerden Aleksandr Býblık pen Mıhaıl Kýkýshkın qatysady. Oǵan qosa A.Býblık Andreı Golýbevpen birge juptyq synda da óner kórsetedi.



Avtor Eljan Eraly
Basty sózder: Sport,
Joǵary qaraı