Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimiz óńirlerindegi ınflıatsııalyq úrdister qalaı qalyptasty

2021 jyldyń 15 qazan 2021 15:07

NUR-SULTAN. QazAqparat – QR Ulttyq banki óńirlerdegi ınflıatsııalyq úrdisterge túsinik berdi, dep habarlaıdy QazAqparat tilshisi.

«2021 jylǵy qyrkúıekte ınflıatsııa 0,4% qurady (tamyzda – 0,5%). Azyq-túlik taýarlarynyń baǵasy bir aıda 0,1%-ǵa (tamyzda – 0,1%), azyq-túlikke jatpaıtyn taýarlardyń baǵasy 0,6%-ǵa (tamyzda – 0,6%), aqyly qyzmetter baǵasy 0,7%-ǵa ósti (tamyzda – 0,8%). Jyldyq ınflıatsııa 8,9% qurady (tamyzda – 8,7%). Óńirler boıynsha jyldyq ınflıatsııanyń ósiminiń jedeldeýi 13 óńirde, báseńdeýi 3 óńirde baıqalyp, 1 óńirde baǵanyń ósý qarqyny ózgerissiz qaldy. Baǵanyń ósý qarqynynyń eń aıqyn baıaýlaýy Pavlodar oblysynda oryn aldy, bul óńirde kórsetkish tamyz aıyndaǵy 9,2%-dan qyrkúıek aıynda 8,8%-ǵa deıin tómendedi. Inflıatsııanyń eń joǵary jedeldeýi Qyzylorda oblysynda baıqaldy (8,2%-dan 8,8%-ǵa deıin). Jyldyq ınflıatsııa 6 óńirde jalpy respýblıkalyq deńgeıden joǵary boldy, olardyń ishinde eń úlken mán Mańǵystaý oblysynda tirkeldi (9,8%)», - delingen UB málimetinde.

Almaty qalasy men Almaty oblysy Qazaqstan boıynsha tutyný baǵasy ındeksiniń (TBI) ósýine edáýir úles qosýdy jalǵastyrýda (tıisinshe 1,4 p.t. jáne 1,0 p.t.), olardyń TBI-de salmaǵy eń joǵary. Osy óńirlerde baǵanyń ósýi tıisinshe 8,7% jáne 8,5% boldy.

«Qazaqstanda azyq-túlik taýarlary bir jylda 11,5%-ǵa (tamyzda – 11,4%-ǵa) qymbattady. Eń tómengi ósý Shyǵys Qazaqstan (10,5%) jáne Soltústik Qazaqstan (10,6%) oblystarynda, eń joǵary ósý – Mańǵystaý oblysynda (13,1%) baıqaldy. El boıynsha azyq-túlikke jatpaıtyn taýarlardyń baǵasy 7,5%-ǵa (tamyzda - 7,3%-ǵa) ósti. Azyq-túlikke jatpaıtyn taýarlar baǵasynyń eń joǵary ósýi Atyraý jáne Aqtóbe oblystarynda (8,0%-dan), eń tómen ósýi – Pavlodar oblysynda tirkeldi (6,8%). Elimizde aqyly qyzmetter 6,8%-ǵa (tamyzda - 6,6%-ǵa) qymbattady, Aqtóbe jáne Jambyl oblystarynda baǵanyń ósýi 8% qurady, Almaty jáne Qyzylorda oblystarynda aqyly qyzmetter baǵasy áldeqaıda tómen qarqynmen ósti (6,1%)», - dep atalyp ótken Ulttyq bank habarlamasynda.

Qyrkúıekte aılyq TBI-ǵa azyq-túlik taýarlary ınflıatsııasynyń qosqan úlesi (0,10 p.t.) azyq-túlikke jatpaıtyn taýarlar (0,13 p.t.) men aqyly qyzmetter (0,17 p.t.) ınflıatsııasynyń qosqan úlesinen tómenirek boldy. Et jáne et ónimderine baǵanyń ósý qarqyny azyq-túlik ınflıatsııasyna eń joǵary úles qosýdy jolǵastyrýda (0,11 p.t.), jemister men kókenister baǵasy 4,7%-ǵa arzandap, azyq-túlik ınflıatsııasyna (-)0,13 p.t. shamasynda keri úles qosty.

Jalpy el boıynsha azyq-túlik baǵasy tamyz aıyndaǵydaı 0,1%-ǵa ósti. Azyq-túlik taýarlarynyń eń joǵary qymbattaý qarqyny (0,6%) Atyraý oblysy jáne Almaty men Shymkent qalalarynda oryn aldy, sonymen qatar Almaty, Shyǵys Qazaqstan, Soltústik Qazaqstan, Aqtóbe, Qostanaı jáne Pavlodar oblystarynda 0,1%-0,6% sheginde azyq-túlik baǵasynyń tómendeýi baıqaldy.


Joǵary qaraı