Elimizde 1 qyrkúıekten bastap 165 mektep karantınge jabylǵan
NUR-SULTAN. QazAqparat – QR DSM Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova 1 qyrkúıekten bastap elde 165 mektep karantınge jabylǵanyn málim etti, dep habarlaıdy QazAqparat tilshisi.
«Osy jyldyń 1 qyrkúıeginen bastap elde 165 mektep jabyldy. Qazirgi tańda 66 mektep áli de jabyq tur. Karantın kezeńinde mektep 14 kúnge jabylady. Bul – eń az ınkýbatsııalyq kezeń. Eger bir synypta koronavırýs juqtyrǵan birneshe adam anyqtalsa, ınkýbatsııalyq kezeń eń sońǵy tirkelgen oqýshydan bastap esepteledi. ıAǵnı, mektepter eń az degende 14 kúnge jabylady», - dedi Aıjan Esmaǵambetova Ortalyq kommýnıkatsııalar qyzmetinde ótken baspasóz máslıhatynda.
Eske sala ketsek Densaýlyq saqtaý mınıstri Alekseı Tsoı «Qazaqstanda jeltoqsan nemese qańtar aılarynda qatań karantın sharalary engizilýi múmkin be» degen suraqqa jaýap bergen bolatyn.
