Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde 2 mln-ǵa jýyq adam baspanaǵa muqtaj – qurylysshylar odaǵy

2021 jyldyń 24 qyrkúıek 2021 13:22

NUR-SULTAN. QazAqparat – Qazaqstan Qurylysshylar odaǵynyń tóraǵasy Talǵat Erǵalıev elimizde qansha adamnyń baspanaǵa muqtaj ekenin aıtty, dep habarlaıdy QazAqparat tilshisi.

«Barlyq baǵdarlamalar qysqaryp jatqandyqtan adamdardyń qarajatqa qol jetimdiligi nasharlaýda. Muqtaj adamdardyń sanattary ártúrli – kópbalaly, jetimder, aýyldy jerlerde turatyn, qalaǵa qonys aýdarǵyp, jumys istegisi keletin adamdar bar. Biz olardyń qalaǵa aǵylýyna tyıym sala almaımyz. Ondaı quqyǵymyz joq. Áskerı qyzmetshiler, quqyq qorǵaý organdarynyń qyzmetkerleri kezekke turýǵa quqyly», - dedi Talǵat Erǵalıev odaqtyń jıynda.

Onyń aıtýynsha, atalmysh máseleni retteý úshin jańa baǵdarlamalar qajet.

«Sondyqtan, adamdardyń barlyq sanattary úshin turǵyn úıge qoljetimdilik tek belgili bir sanattarda ǵana emes sharýashylyq josparlaý kásiporyndarynda jumys isteıtin jeke sektor ókilderine, múmkindigi joq kásipkerlerge de arnalǵan baǵdarlamalar ázirleý qajet. Halyqtyń baspanaǵa muqtajdyǵyn qanaǵattandyrý úshin jan-jaqty qoldaý kerek», - deıdi maman.

Ol, sondaı-aq, baspanaǵa muqtaj adamdardyń jalpy sany týraly málimet aıtty.

«Turǵyn úıge muqtaj adamdar týraly aıtsaq, bul shamamen 2 mln adamdaı bolady. Jalaqydan jalaqyǵa deıin ómir súretin adamdarǵa qarjylandyrý qajet. Aıtalyq, bastapqy jarnany 5% mólsherinde, al qalǵan qaryzdy olar 15-20 jyl ishinde tóleı alatyndaı e baǵdarlama qajet», - dep túıindedi Qazaqstan Qurylysshylar odaǵynyń basshysy.


Joǵary qaraı