Aýa raıy
Astana -17 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde balalarǵa arnalǵan SIM karta engizilmek

2020 jyldyń 28 qazan 2020 16:45

NUR-SULTAN. QazAqparat - Elimizde balalarǵa arnalǵan biryńǵaı tarıfi bar SIM karta engizilmek. Bul týraly QR Premer-Mınıstri Asqar Mamınniń Senat depýttarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Qazirgi ýaqytta kıberbýllıngke qarsy is-sharalar 2020-2023 jyldarǵa arnalǵan balalar quqyqtaryn qorǵaýdy kúsheıtý, turmystyq zorlyq-zombylyqqa qarsy is-qımyl jáne jasóspirimder arasynda sýıtsıd máselesin sheshý jónindegi jol kartasyn iske asyrý aıasynda júzege asyrylýda. Bilim jáne ǵylym, Aqparat jáne qoǵamdyq damý, Іshki ister mınıstrlikteri, jergilikti atqarýshy organdar jastar men balalar arasynda ınternetke táýeldiliktiń profılaktıkasy, azamattardyń tsıfrlyq bedelin qorǵaý, áleýmettik jeli men ınternettegi monıtorıng jáne tosqaýyl qoıý, sondaı-aq, qolaısyz ınternet kontentke qol jetkizýden balalardy qorǵaý boıynsha balalarǵa arnalǵan biryńǵaı tarıfi bar SIM karta engizý boıynsha keshendi sharalardy qabyldaýda», - dedi Asqar Mamın.


Joǵary qaraı