Aýa raıy
Astana -6 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde ekotýrızmge degen qyzyǵýshylyq kúrt artýy múmkin

2020 jyldyń 2 qazan 2020 10:52

ALMATY OBLYSY. QazAqparat - Qazaqstanda ekotýrızmge degen qyzyǵýshylyq kúrt artýy boljanýda, dep habarlaıdy QazAqparat tilshisi.

Bul týraly Almaty oblysyn Saty aýylynda «Kólsaı kólderi» ulttyq parkinde ekotýrızmdi damytýdyń kontseptsııasynyń tanystyrylýy barysynda Kazakh Tourism ulttyq kompanııasynyń Basqarma tóraǵasy Erjan Erkinbaev aıtty.

«Bul tyńǵylyqty jasalǵan tujyrymdama. Ony Premer-mınıstrdiń jáne Ekologııa, Mádenıet mınıstrleriniń tapsyrmasymen ulttyq parktiń barlyq shatqaldarymen birneshe aralap shyǵyp, uzaq ýaqyt daıyndadyq»- dedi E. Erkinbaev qoǵam ókilderi qatysqan jıynda.

Ol BUU-nyń Búkilálemdik týrıstik uıymy aýyldyq jáne ekologııalyq týrızmdi osy jyldyń urany etip alǵanyn atap ótti. Sebebi, pandemııa áserinen ekotýrızm jahandyq týrızm úlesiniń 30%-yn quraǵan.

«Ekotýrızm bizdiń elimizdegi týrızm salasynyń eń keleshegi zor baǵyty. Memleket jeriniń 10%-y erekshe qorǵalatyn aýmaqtar. Ekotýrızmge ınfraqurylym salyp, jaǵdaı jasasaq ta, jasamasaq ta ol jaqqa baratyn adamdar sany jyl saıyn kóbeıe beredi. Sondyqtan eger týrızmdi durys uıymdastyrmasaq, ekojúıege túsetin antropogendik júkteme artyp, bıoalýantúrlilikke qaýip tónedi. Jańa marshrýttar ashpasaq qazirgi bar oryndarǵa zııan keledi»-, dep túsindirdi ol.

Sondyqtan tujyrymdama boıynsha, ulttyq parkke kelgen týrıster burynǵydaı Kólsaı, Qaıyńdy kólderiniń jaǵasynda uzaq bógelmeıdi. Ol úshin Qurmetti, Saty shatqaldaryna glempıngter, kempıngter, karavanıngter qoıylady. Qurylystyń bári jeńil konstrýktsııalardyń kómegimen júredi. Zamanaýı 3 vızıt-ortalyq, etno-aýyldar salynady.

Joba jeke ınvestor tartý arqyly júzege asady. Onyń jumysyn, talapqa saı jumys isteýin «Kólsaı kólderi» ulttyq parkinde ekotýrızmdi damytý boıynsha qurylatyn qoǵamdyq keńes baqylaıdy.

Bas josparǵa sáıkes, 2025 jylǵa qaraı «Kólsaı kólderine» keletin týrıster sany 5 ese artady degen boljam bar. 2019 jyly park 87 myń adam qabyldaǵan.


Joǵary qaraı