Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde fılmniń túpnusqasyn mindetti túrde qazaq tilinde dýblıajdaý talaby engizilmek

2021 jyldyń 16 qyrkúıek 2021 19:47

NUR-SULTAN. QazAqparat – «Kınematografııa týraly» Zańǵa sáıkes fılmniń túpnusqasyn mindetti túrde qazaq tilinde dýblıajdaý talaby engizilmek. Bul týraly QazAqparat MSM silteme jasap habarlaıdy.

Mádenıet jáne sport mınıstrligi Nur Otan partııasynyń saılaýaldy baǵdarlamasyn oryndaý jónindegi Jol kartasyn iske asyrý maqsatynda «Kınematografııa týraly» Zańǵa ózgerister engizýdi josparlap otyr.

Zań jobasyna túzetýler mindetti dýblıaj nemese fılmniń qazaq tilindegi túpnusqasyn talap etýge baǵyttalǵan. Sondaı-aq, sózderdiń orfografııalyq normalary men tártibiniń saqtalýyn, olardyń durys qurastyrylýy men aıtylýyn qamtamasyz etý úshin tıisti normalar qabyldandy.

Qazirgi ýaqytta múddeli organdar, qoǵamdyq uıymdar ókilderinen jáne kınematografııa qaıratkerlerinen jasaqtalǵan jumys toby quryldy. Búginde jumys toby 10-nan astam otyrys ótkizdi. Onda kınematografııanyń kınokomıssııalardy qurý tetigi, fılmderdi qazaq tiline dýblıajdaý bóligindegi ózekti máseleler talqylandy. Oryndalýy aldaǵy ýaqytta da jobalyq keńse arqyly qadaǵalanady.

Aıta keteıik, búgingi tańda qazaq tilindegi 35-ten astam fılm prokatqa shyǵyp, demeýshiler 1,4 mıllıard teńge bóldi.

Zań jobasy Úkimette bıyl qazan aıynda qaralady. Sodan keıin ol jeltoqsanda Parlament Májilisiniń qaraýyna jiberiledi. Jol kartasyna sáıkes 2022 jyly Zańdy qabyldaý josparlanyp otyr.


Joǵary qaraı