Aýa raıy
Astana -3 °S
Almaty 4 °S
valıýta baǵamy
USD 389.34
EUR 428.78
RUB 6.05
CNY 55.45

Elimizde ınternetke qosylmaǵan mektepter sany qansha

2019 jyldyń 21 qazan 2019 10:40

NUR-SULTAN. QazAqparat – 93 mektep ınternetke múldem qosylmaı qalǵan. Bul týraly QR Parlamenti Májilisi tóraǵasynyń orynbasary Gúlmıra Isımbaeva Úkimet saǵatynda málim etti, dep habarlaıdy QazAqparat tilshisi.

«Elimizdiń orta bilim berý salasynda 3 jyldan asa ýaqyt ishinde jańa mektepter salynyp, jańartylǵan mazmunǵa kóshý jalǵasyp jatyr. Bul baǵytta aýqymdy jumystar atqaryldy. Degenmen, jetildirýdi qajet etetin máseleler joq emes. Apattyq jaǵdaıdaǵy mektepter men úsh aýysymda oqytatyn mektepterdiń problemasy sheshilmeı keledi. Búgingi kúni olardyń sany 160-tan asady. Sondyqtan memlekettik baǵdarlamadan úsh aýysymdy jáne apattyq jaǵdaıda turǵan mektepter kórsetkishin alyp tastaǵan mınıstrliktiń áreketi negizsiz bolyp otyr. Onyń ústine bul – «NurOtan» partııasynyń saılaýaldy baǵdarlamasynda belgilengen mindet», - G. Isımbaeva Bilim berýdi jáne ǵylymdy damytýdyń 2016-2019 jyldardaǵy baǵdarlamanyń iske asyrylýyna arnalǵan Májilistegi Úkimet saǵatynda.

Onyń sózine qaraǵanda, mektepterdi jyldamdyǵy sekýndyna 4 megabıt bolatyn keń jolaqty ınternetpen qamtamasyz etý kórsetkishi de artyǵymen oryndalǵan.

«Biraq 93 mektep ınternetke múldem qosylmaı qalǵan. Internettiń jyldamdyǵy málimdelgen jyldamdyqtan áldeqaıda tómen mektepter de az emes», - dedi Májilis tóraǵasynyń orynbasary.

Budan bólek ol dýaldy oqytý tıisti deńgeıde damymaǵandyǵyna toqtaldy. Baǵdarlamaǵa sáıkes, dýaldy oqytýmen qamtylǵan kolledjder sany óskenimen, kolledj stýdentterin dýaldy oqytýmen qamtý deńgeıi áli de tómen, ıaǵnı 19,8 paıyzdyq deńgeıde qalyp qoıǵan. Al, dýaldy oqytýdyń negizgi mindeti - stýdentterdiń kásiptik deńgeıi men praktıkaǵa baǵdarlaný dárejesin arttyrý bolyp tabylady.

Joǵary qaraı