Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde qaterli dertterden keletin ólim-jitim 3% tómendegen

2021 jyldyń 16 maýsym 2021 17:47

NUR-SULTAN. QazAqparat – Elordada balalarǵa arnalǵan kardıohırýrgııalyq ortalyq ashylady. Elbasy kitaphanasynda medıtsına qyzmetkerlerimen kezdesken Vıtse-Premer Eraly Toǵjanov osyndaı málimet aıtty, dep habarlaıdy QazAqparat tilshisi.

«Biz medıtsına qyzmetkerlerin daıarlaýǵa granttar sanyn arttyrýdy kózdep otyrmyz. Osylaısha, pandemııaǵa qaramastan, elde oń medıtsınalyq-demografııalyq dınamıka saqtalýda. 2020 jyldyń qorytyndysy boıynsha ana ólimi men qaterli aýrýlardan bolatyn ólim-jitim 3%-ǵa tómendedi. Árıne, bul sandardyń artynda adam ómiri, medıtsına qyzmetkerleriniń qajyrly eńbegi tur», - dedi Eraly Toǵjanov.

Onyń aıtýynsha, búginde otandyq medıtsına birneshe baǵyt boıynsha halyqaralyq deńgeıde básekege qabiletti júıe qalyptastyryp úlgergen.

«Elimizde joǵary tehnologııaly medıtsınalyq kómektiń 78 túri halyqqa qoljetimdi. Bıyl biz zamanaýı apparatty qoldana otyryp, ortalyq júıke júıesi aýrýlaryn emdeýdiń radıohırýrgııalyq ádisin engizýdi josparlap otyrmyz. Bıyl Nazarbayev University janynan Balalar kardıohırýrgııalyq ortalyǵyn ashý josparlanyp otyr» - dedi Premer-Mınıstrdiń orynbasary.


Avtor Esimjan Naqtybaı
Basty sózder: QR Úkimeti, Medıtsına,
Joǵary qaraı