Aýa raıy
Astana -1 °S
Almaty 1 °S
valıýta baǵamy
USD 389.75
EUR 434.26
RUB 6.12
CNY 55.05

Elimizde kelesi jylǵa arnalǵan tegin dárilerdi satyp alý bastaldy

2019 jyldyń 22 qyrkúıek 2019 15:53

NUR-SULTAN. QazAqparat - Qazaqstandyqtardy tegin dári-dármekpen qamtamasyz etý úshin 2020 jylǵa satyp alynatyn jalpy somasy 66,5 mlrd teńgege preparattardyń 308 ataýy jarııalandy, dep habarlaıdy QazAqparat «SQ-Farmatsııa» JShS-ine silteme jasap.

Taratylǵan aqparatqa sáıkes, tender nátıjeleri 6 qarashada shyǵarylatyn bolady jáne jyldyń sońynda medıkamentter biryńǵaı dıstrıbıýtordyń qoımalaryna túsedi.

«SQ-Farmatsııa» JShS-nyń basqarma tóraǵasy mindetin atqarýshysy Berik Sháriptiń aıtýynsha, TMKKK aıasynda jáne MÁMS júıesinde 2020 jylǵa tegin dári-dármekpen qamtamasyz etý úshin dárilik zattar men medıtsınalyq buıymdardyń 1318 ataýy bekitildi.

«Patsıentterdi ambýlatorııalyq deńgeıde dári-dármekpen qamtamasyz etýge 576 medıtsınalyq uıymnan 114,6 mlrd teńge somasyna jáne statsıonarlyq deńgeıde dári-dármekpen qamtamasyz etýge 1137 medıtsınalyq uıymnan 118 mlrd tenge somasyna aldyn ala ótinimder kelip tústi», - dedi Berik Shárip.

2020 jylǵa arnalǵan medıkamentterdiń jalpy tiziminen 596 ataý otandyq farmóndirýshilerden satyp alynatyn bolady. Qalǵan preparattardyń respýblıkada tirkelgen analogtary joq. sondyqtan qazirgi ýaqytta olardy óndirýshilerge sharttardy deldalsyz, tikeleı jasaý úshin shaqyrtý joldanady.


Avtor Marlan Jıembaı
Basty sózder: Medıtsına, Qoǵam,
Joǵary qaraı