Elimizde koronavırýspen aýyrǵandar sany 3,1 esege azaıdy
NUR-SULTAN. QazAqparat – Qazaqstanda koronavırýspen aýyrǵan adamdar sany 3,1 esege azaıdy. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.
«Respýblıkada oń PTR testimen koronavırýs ınfektsııasynyń 980 372 jaǵdaıy jáne teris PTR testimen 83 437 jaǵdaıy tirkeldi. Naýqastardyń 96 paıyzdan astamy saýyǵyp shyqty», - dedi Alekseı Tsoı.
Onyń atap ótýinshe, reprodýktıvti san – 0,89 jáne tamyz aıymen salystyrǵanda 1,2 ese tómendegeni baıqalady.
«Jalpy Qazaqstanda sońǵy aıda aýyrǵan adamdardyń sany 3,1 esege azaıdy. Statsıonarlyq jáne ambýlatorııalyq em alyp jatqandardyń sany 1,7 esege qysqardy. Infektsııalyq tósekterdiń qamtylýy 23, reanımatsııalyq tósekter 20 paıyzdy quraıdy», - dedi mınıstr.
