Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde kún saıyn 2 áıel jatyr moıny qaterli isiginen kóz jumady

2021 jyldyń 21 qańtar 2021 22:13

NUR-SULTAN. QazAqparat – 2020 jyly elimizde 1 830 áıelden jatyr moıny qaterli isigi anyqtaldy. Jyl saıyn 660 áıel osy dertten kóz jumady. Bul týraly QR Densaýlyq saqtaý mınıstrliginiń bas onkolog dárigeri, Qazaq ulttyq onkologııa jáne radıologııa ınstıtýtynyń dırektory Dılıara Qaıdarova Instagram paraqshasynda ótken tikeleı efırde aıtty, dep habarlaıdy QazAqparat tilshisi.

«Qaterli isik – úkim emes, biraq qazirgi ýaqytta saq júrýimiz kerek. Elimizde bul dertti emdeýdiń barlyq ádis-tásili bar. Qyzdar ózderin jatyr moınyn alyp tastaıtyn jaǵdaıǵa jetkizbese eken. Shymkentte, Túrkistan oblysynda bolǵan kezde keıbir áıel gınkologqa 7 jyl, 9 jyl baryp kórmegenin aıtty. Qaterli isik bes jyl ishinde asqynady, sondyqtan ózderińizge kóńil bólińizder. 23 qańtarda elimizdiń ártúrli óńirinde tegin túrde ashyq esik kúni ótedi. Soǵan ýaqyt taýyp baryńyzdar. Nur-Sultan men Qaraǵandy «qyzyl aımaqqa» kirgendikten, ol jaqta ashyq esik kúni bolmaıdy, biraq kez kelgen ýaqytta emhanaǵa baryp tegin túrde qarala alasyzdar», - deıdi bas onkolog dáriger Dılıara Qaıdarova.

Sondaı-aq, bul dert jastarǵa da qaýip tóndiretinin aıtty.

«Jatyr moıny qaterli isigimen aýyratyn 28 jastaǵy qyzdar da bar. Bul derttiń sharyqtaý shegi 40-44 jas aralyǵy. 2020 jyly elimizde 1 830 áıelden jatyr moıny qaterli isigi anyqtaldy. Jyl saıyn 660 áıel osy jertten kóz jumady, ıaǵnı kúnine eki áıel jatyr moıny qaterli isigi saldarynan kóz jumady degen sóz. Bul statıstıka kóńil qýantpaıtyny anyq, sol sebepti onkogınekologqa ýaqytyly tekserilip turyńyzdar», - deıdi ol.


Avtor Zarına Qaharman
Basty sózder: Medıtsına,
Joǵary qaraı