Aýa raıy
Astana 14 °S
Almaty 16 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde Qurban aıttyń alǵashqy kúni qalaı ótti

2020 jyldyń 31 shilde 2020 18:56

NUR-SULTAN. QazAqparat - Karantın rejıminde ótip jatqan Qurban aıt merekesinde elimizde uıymdastyrylǵan birqatar sharalarǵa QazAqparat tilshisi sholý jasaıdy.

Qurban aıttyń alǵashqy kúni Qazaqstan musylmandary dinı basqarmasynyń (QMDB) óziniń Youtube jáne Instagram paraqshalary arqyly «Qurban aıt – ulyq mereke» atty nasıhattyq baǵyttaǵy onlaın shara uıymdastyrdy.

Nur-Sultan ýaqytymen 08:00 men 09:00 aralyǵynda ótken merekelik baǵdarlama QMDB Tóraǵasy, Bas múftı Naýryzbaı qajy Taǵanulynyń Qurban aıt merekesine arnalǵan aq tilegimen ashyldy.

Sondaı-aq qashyqtan (onlaın) qurban shalýdyń ereksheligi, tarıhy, sharttary jaıly áńgime órbidi.

Sondaı-aq, elimizde engizilgen karantın rejımine oraı bıyl Qurban aıt merekesinde elordada «Qurban aıtta qýant!» jobasy iske qosylyp otyr.

Joba aıasynda arnaıy meshit anyqtamalyǵy iske qosylyp, soıǵan qurbandyǵynyń etin ákelip bergisi kelgen jandarǵa QMDB «Zeket» qoryna qurbandyq etin alýǵa ótinish bildirgen otbasylar mekenjaıy usynylyp otyrmaq.

Sonymen qatar, oblystardaǵy bas ımamdar barsha jurtshylyq atynan Quran baǵyshtap, meırammen quttyqtady.

«Qasıetti Qurban aıt barshamyzǵa múbárak bolsyn! Duǵa, tilek, minájattarymyz Rabbymyz tarapynan qabyl bolsyn!. Álem musylmandarynyń búgingi qýanyshty merekesi barshamyzǵa qutty bolsyn! Eń alǵashqy qurbandyqty soıýdy bastadyq. Qurbandyq shalýǵa oblysymyzdaǵy 1544 adam onlaın tapsyrys berdi. Onyń 1138-i Taraz qalasynyń turǵyny», - deıdi Jambyl oblysynyń bas ımamy Beıbit Myrzageldıev.


Avtor Zarına Qaharman
Basty sózder: Din, Qoǵam,
Joǵary qaraı