Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde kúzet qyzmetkerlerine qoıylatyn talap ózgeredi

2021 jyldyń 28 qazan 2021 14:32

NUR-SULTAN. QazAqparat – Elimizde kúzet qyzmetkerlerine qoıylatyn talap pen olardy daıarlaý jospary qaıta qaralý ústinde. QR Іshki ister mınıstrliginiń Kúzet qyzmetin baqylaý departamentiniń sarapshysy Danııar Sultanov málim etti, dep habarlaıdy QazAqparat tilshisi.

«Qazirgi tańda bizdiń departament kúzetshilerdi daıarlaýdyń tıptik oqý josparyn qaıta qarap jatyr. Jańa josparǵa sáıkes kúzet jáne terrorızmge qarsy kúres taqyrybyna arnalǵan teorııalyq jáne praktıkalyq tapsyrmalardyń sany arta túspek. Búginde kúzetshilerdi kásibı daıarlaý - kún tártibindegi mańyzdy suraqtardyń biri. Sebebi, kúzetshi qyzmetkerler qoǵam qaýipsizdigi úshin jaýapty mamandardyń biri. Elimizde kúzetshilerdi ázirleýdiń ózindik talaby bar, endigi ýaqytta atalǵan talaptar jetildirile túspek. Jańa ózgeris tek kúzetshilerge ǵana emes olardyń daıarlaıtyn ortalyqtar men mamandarǵa da qatysty», - dedi Danııar Sultanov «Kazakhstan Security Systems -2021» atty respýblıkalyq konferentsııa barysynda.

Onyń aıtýynsha, kúzetshiler biliktiligin zańdy tirgelgen arnaıy oqý ortalyqtarynda jetildirýi tıis. Jáne daıarlyq teorııa men praktıkadan turady.

Buǵan deıin sarapshy kúzet qyzmetimen aınalysýǵa lıtsenzııanyń qandaı talappen beriletinin aıtyp berdi.



Joǵary qaraı