Aýa raıy
Astana -11 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde metsenattarǵa salyq jeńildigi kózdelgen zań qabyldanýy múmkin

2020 jyldyń 27 qarasha 2020 13:32

NUR-SULTAN. QazAqparat - Elimizge qaıyrymdylyq, volonter jáne metsenattyń ulttyq reıtıngin ázirleý qajet. Bul týraly «Qoǵam jáne memleket: «Birgemiz» - 30 jyldyq seriktestik pen damý» atty IX Azamattyq forýmnyń jalpy otyrysynda QR Memlekettik hatshysy Qyrymbek Kósherbaev aıtty, dep habarlaıdy QazAqparat tilshisi.

Qazaqstandaǵy volonter qozǵalystaryn yntalandyryp otyrý qajet. «Volonter tájirıbesi jumysqa qabyldaný kezinde eskerilip, kásibı eńbek ótiline, stýdenttik tájirıbege eseptelýi óte mańyzdy. Volonterlik bılik pen qoǵamnyń barlyq deńgeıinde yntalandyrylatyn tabıǵı qaıyrymdy umtylysqa aınalysý tıis. Biz qazaqstandyqtardyń óte elgezek ári áleýmettik jaýapty azamattar ekenin bilemiz. Azamattarymyz sý tasqynynan, ózge de aýyrtpalyqtar men tehnogendik apattardan zardap shekkenderge kómek kórsetý ótinishterge bir adamdaı den qoıyp, qol ushyn bergenderin kórdik. Qaıyrymdylyq sharalarynyń sany jyldan jylǵa artyp kele jatqanyn baıqap otyrmyz. Onyń ishinde aýyldyq jerler de bar. Elimizde dańǵoılyqsyz ári pıarsyz memleket pen qoǵamǵa iri jobalardy júzege asyrýǵa kómektesetin bıznesmen-metsanattardyń jańa sanatynyń paıda bolǵanyn kóremiz. Myńdaǵan otandasymyzǵa kómektesip, olarǵa qıyndyqty eńserýge kómektesip júr», - edi Qyrymbek Kósherbaev.

Onyń atap ótýinshe, Qazaqstan álemdik reıtıngilerde qaıyrymdylyq boıynsha aýtsaıderlerdiń qatarynda tur. Sondyqtan qaıyrymdylyq, volonterlik jáne metsenattyqtyń ulttyq reıtıngi qajet. Bul rette Qazaqstannyń Azamattyq alıansy «Atameken» UKP-men birge qaıyrymdylyq pen metsenattyq salasynda jyl saıyn ulttyq baıandama jarııalaýǵa bastamashylyq jasaý kerek.

«Bizge metsenattyq jáne qaıyrymdylyq týraly zań qabyldaý qajet te shyǵar. Onda bızneske salyqtan jáne ózge de jeńildikter qarastyrylýy múmkin», - dedi Memlekettik hatshy.


Joǵary qaraı