Aýa raıy
Astana -17 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde mektepterdiń 99 paıyzy beınebaqylaý júıesimen jabdyqtaldy

2020 jyldyń 20 qazan 2020 12:45

NUR-SULTAN. QazAqparat - Qazaqstanda mektepterdiń 99 paıyzy beınebaqylaý júıesimen jabdyqtalǵan. Bul týraly QR Bilim jáne ǵylym mınıstrligi Bilim jáne ǵylym salasyndaǵy baqylaý komıtetiniń basshysy Gúlzat Kóbenova aıtty, dep habarlaıdy QazAqparat tilshisi.

«Aýmaqtyq departamentter mektepke deıingi jáne orta bilim berý uıymdarynyń beınebaqylaý júıesimen jáne sanıtarlyq-gıgıenalyq toraptarmen qamtamasyz etilýine monıtorıng jumysyn júrgizdi. Memleket basshysy orta jáne mektepke deıingi bilim berýdiń barlyq uıymdaryn beınebaqylaýmen júıesimen jabdyqtaý týraly tapsyrma bergen bolatyn. Monıtorıngpen 7 127 mektepke deıingi bilim berý uıymy qamtyldy. Nátıjesinde búgingi kúni olardyń 20-synda beınebaqylaý júıesiniń joq ekendigi anyqtaldy. Túrkistan, Almaty oblystaryndaǵy, Shymkent, Almaty, Nur-Sultan qalalaryndaǵy jekemenshik mektepke deıingi uıymdardyń 507-sinde beınebaqylaý júıesi bolmaı shyqty», - dedi ol mınıstrliktiń apparat keńesinde.

Onyń aıtýynsha, elimizde 6 971 memlekettik mektep beınebaqylaý júıesimen qamtamasyz etilgen. Al 72 mektepte mundaı júıe áli kúnge ornatylmaǵan.

«Іs júzinde búginde beınebaqylaý júıesimen jabdyqtalǵan bilim berý uıymdarynyń úlesi 2018 jylǵy 75 paıyzdan 99 paıyzǵa deıin jetti. Degenmen, Ulttyq bilim berý derekter qory (UBBDQ) málimettermen sáıkessizdikterge nazar aýdartqym keledi. UBBDQ orta bilim berýdiń nebári 6 uıymynda ǵana beınebaqylaý júıesiniń joq ekendigin kórsetken. Bul oraıda Túrkistan, Soltústik Qazaqstan, Batys Qazaqstan jáne Almaty oblystary óz kórsetkshterin durys kórsetpegen», - dedi Gúlzat Kóbenova.

Sonymen qatar komıtet basshysynyń aıtýynsha, elimizdegi jekemenshik mektepter tolyqtaı beınebaqylaý júıesimen qamtamasyz etilgen. Degenmen, Almaty men Batys Qazaqstan oblystary olardyń talapqa saı kelýine nazar aýdarýlary qajet.


Avtor Marlan Jıembaı
Basty sózder: Bilim, Qaýipsizdik,
Joǵary qaraı