Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde nan baǵasy qymbattaýy múmkin be

2021 jyldyń 28 qyrkúıek 2021 15:56

NUR-SULTAN. QazAqparat – Qazaqstanda egin jınaý naýqany aıaqtalýǵa jaqyn. Osyǵan baılanysty aldaǵy jylǵa nan baǵasyna boljam jasaldy, dep habarlaıdy QazAqparat tilshisi.

«Álemdik naryqta jáne bizdiń elde de bıdaı baǵasynyń ósimi baıqalady. Degenmen taldaý nátıjesi kórsetip otyrǵandaı elimizde nan baǵasy turaqty. Un da, nan da jetkilikti deńgeıde óndirilip jatyr. Qazir elimizde egin jınaý naýqany aıaqtalýǵa jaqyn, bıdaı qambalarǵa quıylyp jatyr. Sol sııaqty naryqtaǵy bıdaı baǵasy ósip, ol nan qunynyń qymbattaýyna alyp kelmes úshin tıisti sharalar qarastyrylǵan. Atap aıtqanda, tapshylyq baıqalǵan jaǵdaıda nan ónimderin shyǵaratyn kásiporyndarǵa rezervten bıdaı berý josparlanyp otyr. Áleýmettik nan baǵasynyń kúrt ósimi bolmaıdy», - dedi QR AShM ósimdik sharýashylyǵy ónimderin óndirý jáne qaıta óńdeý departamentiniń dırektory Azat Sultanov OKQ-de onlaın ótken baspasóz máslıhatynda.

Aýyl sharýashylyǵy mınıstrliginiń málimetinshe, búgingi kúni respýblıka boıynsha 15,5 mln gektar jerden dándi daqyl jınalǵan.


Joǵary qaraı