Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde órt kezinde qaza tapqandar qatary 20 paıyzǵa artqan

2021 jyldyń 16 qyrkúıek 2021 14:47

NUR-SULTAN. QazAqparat – Qazaqstanda órt saldarynan adamnyń mert bolý kórsetkishi ósken. Bul týraly QR TJM Órtke qarsy qyzmet komıteti basqarmasynyń basshysy Erlan Tóregeldıev málim etti, dep habarlaıdy QazAqparat tilshisi.

«Jyl basynan beri elimizde 7 515 órt jaǵdaıy tirkelip, til jaýdan 1 018 adam qutqaryldy. Ókinishke qaraı 251 adam qaıtys boldy. Sonymen qosa 217 adam túrli dárejedegi kúıik aldy jáne ýlanyp qaldy. Ótken jylmen salystyrǵanda jalpy órt sany 7% - ǵa tómendegen, biraq onyń saldarynan adamnyń qaza tabýy 20% -ǵa, al jaraqat alý 18% -ǵa ósip otyr. Órt jıi oryn alatyn ol turǵyn úı sektory, bıyl 4 300-den astam órt boldy, bul elimiz boıynsha órt jaǵdaıynyń 58% -y quraıdy»,- dedi E. Tóregeldıev OKQ-de ótken baspasóz máslıhatynda.

Sondaı-aq, TJM ókili órt qaýipsizdigi baǵytynda atqarylǵan jumys nátıjesine toqtalyp ótti.

«Sońǵy 2 jylda atqarylǵan jumystar áleýmettik osal toptqa jatatyn azamattardyń úılerinde oryn alatyn órt sanynyń aıtarlyqtaı tómendegenin kórsetti. Statıstıkaǵa súıensek, 18 paıyzǵa deıin tómendegen. Máselen, 2019-2020 jyldardaǵy jylý berý maýsymynda atalǵan sanattaǵy úılerde 354 órt bolsa, 2020-2021 jylǵy jylý berý kezeńinde barlyǵy 19 órt jaǵdaıy tirkelgen. Sonymen qatar turǵyn úı sektorynda adamdardyń gazdan nemese tútinnen ýlaný kórsetkishi de 28 paıyzǵa azaıǵany baıqalady», - deıdi ol.


Joǵary qaraı