Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde órttiń aldyn alý sıpatyndaǵy is-sharalar júrgizilip jatyr

2021 jyldyń 5 mamyr 2021 13:02

NUR-SULTAN. QazAqparat - Mınıstrlik ákimdiktermen jáne múddeli memlekettik organdarmen birlesip, órttiń aldyn alý sharalarynyń josparyn bekitti. Bul týraly Ortalyq kommýnıkatsııalar qyzmetinde ótken brıfıngide QR Tótenshe jaǵdaılar mınsıtrligi Órtke qarsy qyzmet komıtetiniń tóraǵasy Nurbolat Derbisov aıtty, dep habarlaıdy QazAqparat tilshisi.

Vedomstvoaralyq josparǵa sáıkes profılaktıkalyq sıpattaǵy is-sharalar iske asyrylýda.

«Óńiraralyq sıpattaǵy orman – dala órtterin joıýdyń úkimettik josparynda kózdelgen kúshter men quraldar qaıta qaralyp, shamamen 43 myń adamdy qamtydy, 9 myńnan astam tehnıka birligi, sý aǵyzý qurylǵylary bar 10 tikushaq (Qorǵanys Mınıstrliginiń 6 áýe kemesin qosa alǵanda) jáne 46 órt sóndirý poıyzy qamtyldy», - deıdi Órtke qarsy qyzmet komıtetiniń tóraǵasy Nurbolat Derbisov.

Onyń aıtýynsha, mınıstrlik iri órtter týyndaǵan jaǵdaıda, júrip ótý múmkindigi joǵary jáne syıymdylyǵy úlken órt avtotsısternalarymen jaraqtandyrylǵan tabıǵı órtterdi 14 táýlikke deıin avtonomdy rejımde sóndirýdi júzege asyrýǵa qabiletti memlekettik órtke qarsy qyzmettiń jıyntyq jasaqtaryn jergilikti jerlerde qosymsha qurdy.

«Barlyq óńirlerde tabıǵı órtterdi ýaqtyly anyqtaý úshin, «Qazaqstan Ǵarysh Sapary» AQ-men ǵaryshtyq monıtorıng boıynsha sharttar jasaldy», - deıdi ol.


Joǵary qaraı