Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde sportpen júıeli túrde aınalysatyn balalardyń sany qansha

2020 jyldyń 25 qarasha 2020 19:01

NUR-SULTAN. QazAqparat – QR BǴM Ulttyq ǵylymı-praktıkalyq dene tárbıesi ortalyǵynyń dırektory Tastanbek Esentaev mektep oqýshylaryn jappaı sportqa tartý jaıynda aıtty, dep habarlaıdy QazAqparat tilshisi.

«Buqaralyq sportty damytý turǵysynda Memleket basshysynyń tapsyrmasyn oryndaý aıasynda jol kartasy ázirlendi. Jol kartasynyń negizgi maqsaty – buqaralyq sportpen, mektep oqýshylarynyń sportpen aınalysýyna múmkindik jasaý», - dedi T. Esentaev Ortalyq komýmnıkatsııalar qyzmetinde.

Qazirgi kezde Qazaqstanda 1252 mektepten tys mekeme, mektep janynda 63 myń úıirme, 39440 sport sektsııasy, 3 myńǵa jýyq mádenı-demalys uıymy bar. Qazaqstan Respýblıkasynda bilim berýdi jáne ǵylymdy damytýdyń 2020-2025 jyldarǵa arnalǵan memlekettik baǵdarlamasy aıasynda mektep oqýshylarynyń keminde 42 paıyzyn sport sektsııalarymen qamtý kózdelgen.

Onyń sózine qaraǵanda, júıeli túrde sportpen aınalysatyn balalardyń sany 1 mln 260 myńnan (oqýshylardyń 36 paıyzy) asty. Qazir mektepterde buqaralyq damytýǵa jańa jobalar ázirleý maqsaty qoıylǵan.

Dene tárbıesi muǵalimderin sabaqtan tys sabaqtar ótkizýge yntalandyrý maqsatynda «Qazaqstan Respýblıkasynyń keıbir zańnamalyq aktilerine dene shynyqtyrý jáne sportty damytý máseleleri boıynsha ózgerister men tolyqtyrýlar engizý týraly» zań jobasy aıasynda dene tárbıesi pedagogterine sabaqtan tys sektsııa ótkizgeni úshin bazalyq laýazymdyq jalaqydan 100% mólsherinde qosymsha aqy engiziledi.

Aıta keteıik, Joldaýda Memleket basshysy buqaralyq sportqa baılanysty birqatar atqarylatyn jumys legin pysyqtap, qazirgi jaǵdaıda kəsibı sport klýbtaryn memleket tarapynan qarjylandyrýdyń qajeti joǵyn ashyp kórsetti.


Joǵary qaraı