Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde sýarmaly egis alqaptarynyń jaǵdaıy qalaı

2021 jyldyń 10 maýsym 2021 12:18

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Maǵzum Myrzaǵalıev elimizdiń ońtústik óńirindegi egis alqaptaryn sýmen qamtamasyz etýdiń jaǵdaıyn túsindirdi, dep habarlaıdy QazAqparat tilshisi.

«Bıyl aqpan-naýryz aılarynda biz Aýyl sharýashylyǵy mınıstrligimen óńirlerge baryp, keńester ótkizdik. Qalyptasyp otyrǵan sý sharýashylyǵy jaǵdaıy týraly jan-jaqty habardar ettik. Jáne sýdy kóp qajet etetin daqyldardyń egistigin azaıtýdy usynyp, vegetatsııa kezeńine tıisti daıyndyqtardy ótkizdik. Almaty oblysy boıynsha bıyl josparlanǵan 449 myń gektar sýarmaly jerdiń 371 myń gektary boıynsha egý jumystary ótti. Keıbir jerlerde egis jumystary jalǵasýda. Jalpy, vegetatsııa kezeńi asa bir qıyn ótip jatyr dep aıtýǵa bolmaıdy. Biraq, Іle ózenindegi byltyrǵy vegetatsııa kezeńinde ózen aǵysynyń kópjyldyq derekterimen salystyrǵanda aǵyn kórsetkishi normadan 70 paıyzǵa tómen boldy. Byltyr Qapshaǵaı sý qoımasy boıynsha qıyn jaǵdaı qalyptasqanyn eskerý qajet. Bul jaıt aǵymdaǵy jyly da qaıtalanýy múmkin», - dedi M. Myrzaǵalıev.

Onyń aıtýynsha, osyǵan baılanysty oblys ákimdigi qala turǵyndaryn aýyz sýmen turaqty jáne úzdiksiz qamtamasyz etý maqsatynda Qapshaǵaı jáne Aqdala, Sheńgeldi sýarmaly alqaptarynda tıisti is-sharalar qabyldaý kerek.

«Jambyl oblysy boıynsha bıyl sýarmaly jerler alańynda barlyǵy 110 myń gektar aýyl sharýashylyǵy daqyldary ornalastyryldy. Onyń ishinde búgingi kúni 48,4 myń gektary sýaryldy. Qazirgi ýaqytta Qordaı aýdanynda Qyrǵyzstannan keletin sýarmaly sýdyń turaqty berilmeýi baıqaldy. Sonymen qatar, ystyq aýa-raıynyń qalyptasýy áser etip otyr. Osyǵan baılanysty Qordaı, Baızaq, Jambyl jáne Talas aýdandarynyń aýyl sharýashylyǵy taýar óndirýshilerimen túsindirý jumystary júrgizilip jatyr. Sharýashylyqtar arasyndaǵy sý kezektilikti saqtaı otyryp, sý aınalymy ádisimen beriledi», - dedi mınıstr.

Onyń sózine qaraǵanda, Qyzylorda oblysy boıynsha Syrdarııa ózenindegi sý deńgeıiniń tómen bolýyna baılanysty oblystyń sýarmaly jerlerin, ásirese, kúrish egistikterin sýmen qamtamasyz etý boıynsha kúrdeli jaǵdaı jalǵasyp keledi.

«Ákimdiktiń derekteri boıynsha 2021 jylǵa arnalǵan egis jospary shamamen 188 myń gektar quraıdy. Onyń ishinde 84,4 myń gektaryna kúrish egý josparlanǵan bolsa, búgingi tańda naqty seksen úsh 83 myń gektar egildi. Bul byltyrǵa qaraǵanda 7 myń gektarǵa az», - dedi M. Myrzaǵalıev.

Túrkistan oblysy boıynsha 2021 jylǵa josparlanǵan egis kólemi 440 myń gektardy quraıdy. Onyń ishinde kúrish alqaptary – 2 myń gektar. Osy aımaqqa tıesili aǵynnyń shamamen 85% paıyzy Ózbekstannan kelip túsedi. Shardara sý qoımasynyń kólemi ótken jylmen salystyrǵanda 550 mln tekshe metrge az bolyp tur.

«Dostyq» kanalynda ótinimderdiń ulǵaıýyna baılanysty mamyr aıynyń ekinshi onkúndiginen Shardara sý qoımasynan mashınalyq sý berý arnasy iske qosyldy.


Joǵary qaraı