Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde terrorızmdi qarjylandyrýǵa qatysty 26 fakti tirkeldi

2021 jyldyń 28 qazan 2021 13:20

NUR-SULTAN. QazAqparat – 2018-2020 jyldary el kóleminde terrorızmdi qarjylandyrýǵa qatysty 26 fakti tirkelip, joly kesildi. Bul týraly QR Terrorızmge qarsy ortalyq shtabynyń bólim basshysy Janarbek Jańabaev málim etti, dep habarlaıdy QazAqparat tilshisi.

«Biz Qarjylyq monıtorıng agenttigimen terrorıstik áreketterdi qarjylandyrýǵa qarsy kúresti birlesip júrgizip jatyrmyz. Elimizde dinı destrýktıvti aǵymdardy qarjylandyrý máselesi basty nazarda. Bul baǵytta QR UQK, QR ІІM, Bas Prokýratýra, QR QMA jáne Qarjy mınıstrliginiń Kirister komıtetimen birlesip kúresý mehanızmi ázirlendi. Statıstıkaǵa súıensek, 2018-2020 jyldary el kóleminde terrorızmdi qarjylandyrýǵa qatysty 26 fakti tirkelip, joly kesildi. Atalǵan faktiler boıynsha Іshki ister mınıstrligi qylmystyq is qozǵalyp, ol Bas prokýratýraǵa deıin jetkizildi. Bul oraıda Aqparat jáne qoǵamdyq damý mınıstrligi de halyq arasynda túsindirý jumystaryn uıymdastyrdy. Bıyldyń ózinde ekstremıstik qylmysqa barǵan 3 azamattyń ústinen is qozǵaldy», - dedi Janarbek Jańabaev «Kazakhstan Security Systems -2021» atty respýblıkalyq konferentsııa barysynda.




Onyń aıtýynsha, quzyrly organdarmen birlesken atalǵan baǵyttaǵy jumystar jalǵasyn tabady.




Buǵan deıin, Terrorızmge qarsy ortalyq shtabynyń ókili «Jýsan» operatsııasynyń nátıjesinde qazaqstandyq 77 áıel radıkaldy ıdeologııadan óz erkimen bas tartqanyn málim etti.




Aıta keteıik, búgin elordada terrorıstik qaýip-qaterge qarsy kúres taqyrybyna arnalǵan 8-shi respýblıkalyq konferentsııa ótip jatyr.







Atalǵan sharada qaýipsizdikti nyǵaıtý salasyndaǵy búgingi ahýal men tendentsııalar ortaǵa salynyp jatyr. Jáne konferentsııa QR Ulttyq qaýipsizdik komıtetiniń Terrorızmge qarsy ortalyǵynyń uıytqy bolýymen ótýde.





Joǵary qaraı