Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde ÚEU-lerge arnalǵan jańa grant túrleri engiziledi

2021 jyldyń 22 sáýir 2021 13:07

NUR-SULTAN. QazAqparat – Elimizde qysqa merzimdi, orta merzimdi jáne uzaq merzimdi jobalar sııaqty grant túrleri engiziledi. Bul týraly QR Aqparat jáne qoǵamdyq damý vıtse -mınıstri Bolat Tilepov aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda ol úkimettik emes uıymdardy qoldaýdyń memlekettik tetikterin jetildirý kózdelip otyrǵandyǵyn aıtty.

«Bul memlekettik áleýmettik tapsyrys pen granttyq qarjylandyrýǵa qatysty. Naqty aıtar bolsaq, kóptegen sarapshylardyń oı-pikiri men úkimettik emes uıymdardyń usynystaryn esekere otyryp, áleýmettik granttar berý qaǵıdalaryna ózgerister engizildi jáne osy jyldyń sońyna deıin taǵy da zańnamalyq turǵyda jańashyldyqtar bolady», - dedi vıtse-mınıstr.

Sonymen qatar Bolat Tilepov zańnamalyq ózgeristerge toqtaldy.

«Onyń aıasynda elimizde qysqa merzimdi, orta merzimdi jáne uzaq merzimdi jobalar sııaqty grant túrlerin engizý usynylady. Osylaısha, jumysy turaqty jolǵa qoıylǵan qoǵamdyq uıymdar «orta merzimdi jáne uzaq merzimdi granttar» ala alady, al jumys tájirıbesi az úkimettik emes uıymdar tek «qysqa merzimdi» granttarǵa úmitker bola alady», - dedi ol.


Joǵary qaraı