Aýa raıy
Astana 30 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Elimizde úmitkerlerdi shetelge oqýǵa jiberý talaptary ózgerdi

2020 jyldyń 1 shilde 2020 14:41

NUR-SULTAN. QazAqparat - Halyqaralyq sharttar aıasynda shetelde oqý úshin úmitkerlerdi irikteýdiń barynsha ashyqtyǵy men aıqyndyǵyn qamtamasyz etý maqsatynda QR Bilim jáne ǵylym mınıstri A. Aımaǵambetovtiń tapsyrmasyna sáıkes «Shetelde, onyń ishinde akademııalyq oralymdylyq sheńberinde oqytýǵa jiberý qaǵıdalaryna» birqatar ózgerister men tolyqtyrýlar engizildi. Bul jóninde halyqaralyq baǵdarlamalar ortalyǵyna silteme jasap QazAqparat habarlaıdy.

Atap óterligi, engizilgen túzetýlerge sáıkes, qaǵıdada shetelde oqıtyn úmitkerlerdi irikteý kezinde teń ball ıelengender úshin kelesi basymdyqtar basshylyqqa alynady:

1) jetim balalar men ata-anasynyń qamqorlyǵynsyz qalǵan balalar;

2) bala kezinen múgedekter jáne múgedek balalar;

3) kópbalaly otbasynan shyqqan balalar;

4) sheteldik joǵary oqý oryndarynan shaqyrtýy bar, sondaı-aq sheteldik joǵary oqý oryndarynda oqıtyn úmitkerler.

Adamı faktorǵa baılanysty táýekelderdi tómendetý maqsatynda qujat qabyldaý avtomattandyryldy jáne «elektrondy úkimet» veb-portaly arqyly júzege asyrylady.

Obektıvti sheshim qabyldaýdy qamtamasyz etý úshin endi jańa Qaǵıdaǵa sáıkes irikteý eki kezeńnen turady: Táýelsiz saraptama komıssııasynyń múshelerimen suhbat jáne Qorytyndy komıssııanyń sheshim qabyldaýy. Suraqtar bekitilgen reglament boıynsha qoıylady.

Sonymen qatar, konkýrs jeńimpazdarymen oqýdy aıaqtaǵannan keıin 3 (úsh) jyl merzimge Qazaqstan Respýblıkasynyń aýmaǵynda úzdiksiz eńbek qyzmetin mindetteıtin oqýǵa shart jasasý boıynsha norma engizildi.

Shetelde, sonyń ishinde akademııalyq oralymdylyq sheńberinde oqytýǵa jiberý qaǵıdalarynyń tolyq mátinimen myna siltemede tanysýǵa bolady.

Eske sala keteıik, biz buǵan deıin shetelde oqý konkýrsyna qatysýǵa nıet bildirgen qazaqstandyqtar qujattardy onlaın tapsyra alatynyn jazǵan edik.


Joǵary qaraı