Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizdegi eń iri qus fabrıkasy qalaı jumys isteıdi

2021 jyldyń 29 qarasha 2021 19:05

NUR-SULTAN. QazAqparat – Qazaqstandaǵy qus etin óndirýden aldyńǵy qatarly kásiporynnyń biri - Aqmola oblysy Bulandy aýdanyndaǵy Makınsk qus fabrıkasy. Atalǵan kásiporynnyń iske qosylǵanyna kóp ýaqyt bolmasa da, búginde ishki suranysty ótep otyr. Osy oraıda «Makınsk qus fabrıkasy» JShS dırektory Roman Romanov qus etin óndirý kásibi týraly aıtyp berdi, dep habarlaıdy QazAqparat tilshisi.

«Makınsk qus fabrıkasy» jabyq kásiporyn sanatyna jatady. Sondyqtan sanıtarlyq talaptardy qatań saqtaımyz. Onyń ústine bul tamaq óndirisi. Kásiporynǵa kirý úshin arnaıy úlgide kıinip, qoldy jýyp, maska taǵý qajet. Biz jylyna 76 myń tonna qus etin óndiremiz, onyń 68 tonnasy daıyn et ónimi. Fabrıkada 1427 adam jumys isteıdi. Qus eti ónimderi eki túrde ázirlenedi biri muzdatylǵan ádispen, ekinshisi salqyndatylǵan túrde», - dedi Roman Romanov BAQ ókilderine arnalǵan baspasóz týry barysynda.

Onyń aıtýynsha, atalǵan qus fabrıkasy elimiz boıynsha ónim kólemi jaǵynan alǵashqy orynda.

«Kásiporynda Eýropa óndirýshileriniń aldyńǵy qatarly tehnologııalyq qurylǵylaryn qoldanamyz. Bizdiń fabrıka tehnologııalandyrý jaǵynan álem kóshbasshylarynan kem túspeıdi. Osy oraıda aldaǵy jyly ónim qýatyn 30 paıyzǵa arttyryp, jyl saıyn 100 myń tonna qus etin óndirýdi josparlap otyrmyz. Bul - óte jaýapty qadam. Osylaısha biz Reseı, Belarýs jáne Ýkraınanyń deńgeıine jete alamyz», - deıdi ol.

Sondaı-aq, kásiporyn basshysy memleket tarapynan kórsetiletin qoldaýǵa toqtalyp ótti.

«Aldymen sýbsıdııa boıynsha memlekettik qoldaý bar. Sonymen qatar ınvestıtsııa tartý men tómen paıyzben nesıe alýda aıtarlyqtaı jeńildikter qarastyrylǵan. Biz memleketten tolyq kólemde sýbsıdııa ala alamyz. Pandemııa kezinde jumys toqtaǵan joq. Búginde qyzmetkerlerimizdiń deni vaktsına alǵan. Taǵy bir mańyzdy jaıt, bizdiń fabrıkada qus tumaýy jaǵdaıy tirkelgen emes. Jalpy biz ónimmen negizinen elimizdiń Soltústik aýmaǵyn qamtyp otyrmyz. Árıne Ońtústik óńirdiń de naryǵyn qamtýǵa tyrysamyz. Qyzmetkerlerdiń ortasha jalaqysy 160 myń teńgege jýyqtaıdy. Artyq nemese qosymsha jumys istegen jaǵdaıda qyzmetkerge ústemaqy tólenedi. Bul jaǵynan biz eńbek zańyna baǵynamyz», - dedi R. Romanov.

Aıta ketsek, «Makınsk qus fabrıkasy» 2018 jyly iske qosyldy.

Kásiporynnyń ashylýyna oraı taýyq etinen 223 metr 65 sm káýap ázirlenip, ol Gınnes rekordtar kitabyna engen edi.


Joǵary qaraı