Aýa raıy
Astana 17 °S
Almaty 22 °S
valıýta baǵamy
USD 385.16
EUR 425.95
RUB 6.01
CNY 54.51

Elimizdegi eń úlken jylyjaı Túrkistanda salynady

2019 jyldyń 23 tamyz 2019 22:52

NUR-SULTAN. QazAqparat – Búgin Túrkistan oblysy ákiminiń orynbasary Meıirjan Myrzalıev jáne «EKO Kýltýra» agroónerkásiptik holdıngi prezıdenti Aleksandr Rýdakov, sondaı-aq, «Green Land Alatau» bas dırektory Almas Daýytovtyń qatysýymen jıyn ótti. Bul týraly QazAqparat ákimdiktiń baspasóz qyzmetine silteme jasap habarlaıdy.

Kezdesýde ınvestıtsııa jáne eksport basqarmasy, Ekonomıka jáne bıýdjettik jobalaý basqarmasy, «Kazakh Invest» aımaqtyq ókildigi, «Turkistan Invest» front-ofıstiń basshylary, «Kazakh Invest» UK AQ Tóraǵasy orynbasary jáne bas menedjeri qatysty.

Basqosý barysynda Túrkistan oblysy Keles aýdanynda aýmaǵy 500 gektardan asatyn jylyjaı keshenderin salý týraly Túrkistan oblysy ákimdigi, «KAZAKH INVEST»UK» AQ, «Eko-kýltýra» AÓH JShQ, «Green Land Alatau» JShS jáne Eýrazııalyq damý bankiniń ortasynda 5 jaqty ınvestıtsııalyq kelisimge qol qoıyldy. Josparlanǵan ınvestıtsııalar mólsheri 1,1 mlrd. AQSh dollaryn (424 mlrd. teńge) quraıdy. Jobany qarjylandyrýdy, sondaı-aq, EDB qarjy quraldary arqyly júzege asyrý josparlanýda.

Esterińizge sala keteıik, 2019 jyl 17 mamyr kúni Nur-Sultan qalasynda «EKO-kýltýra» AÓH JShQ Prezıdenti Aleksandr Rýdakov jáne QR Premer-mınıstri Asqar Mamın tıisti memorandýmǵa qol qoıǵan bolatyn. Jylyjaı mega-kesheniniń jobasy seriktes«EKO Kýltýra» agroónerkásiptik holdınginiń qazaqstandyq «Green Land Alatau» kompanııasyna kómegi arqyly júzege asyrylady.

Qazirgi tańda Túrkistan oblysynyń Energetıka jáne turǵyn úı-kommýnaldyq sharýashylyq basqarmasy arqyly qajetti ınfraqurylym júrgizý boıynsha tańdalǵan ýchaskede esepteýler júrgizildi. Injenerlik jeliler júrgizýge qajetti jalpy somasy jobamen 10,3 mlrd. teńge, sonyń ishinde 2020-2021 jj. – 3,7 mlrd. teńge, 2020-2023 j. – 6,6 mlrd. teńgeni quraıdy.

«EKO-kýltýra» JShS-niń jylyjaı keshenderi ósip jatqan daqyldardyń tolyq tsıklin baqylaıtyn, jylytý júıesi men salqyndatýdy, jaryq rejımin, tamshylatyp sýarýdy, atmosferadaǵy kómirqyshqyl gazynyń mólsherin basqaratyn zamanaýı avtomattandyrylǵan klımattyq baqylaý júıesimen jabdyqtalatyn bolady.

Joǵary qaraı