Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizdegi eń jas volonter Almaty oblysynda turady

2021 jyldyń 3 jeltoqsan 2021 17:05

PAVLODAR. QazAqparat - Búgin «Qaıyrymdy ister marafony» ulttyq jobasy aıasynda uıymdastyrylǵan «Eń meıirimdi» baıqaýynnyń jeńimpazdary marapattaldy, dep habarlaıdy QazAqparat tilshisi.

Atalǵan baıqaýdyń «Eń meıirimdi volonter» atalymy boıynsha, «Jana dúnıe» qoǵamdyq qory (Almaty qalasy) I oryn aldy.

II oryndy Almaty oblysynda turatyn jas volonter Sanjar Іlııasov ıelense, júldeli III oryn CCI Kazakhstan («TOO SP Koka-Kola Almaty Bottlers») kompanııasyna buıyrdy.

Aıta keteıik osy jobadaǵy eń jas «meıirimdi volonter» Sanjar Salıhatuly 2005 jyly týǵan.

Almaty oblysy Sarqan aýdany Sarqan polıtehnıkalyq kolledjiniń 2-kýrs stýdenti.

Ol «Biz birgemiz!», «Erikti bolý – erlik», «2020 jyl – eriktiler jyly», «Taza qala» aktsııalaryna pandemııa kezinde jáne qazir de qatysyp, óz qatarlastaryna úlgi bolyp júr.

«Eriktiler degen kim? Eriktiler - qoǵamnyń qozǵaýshy qýaty. Sonymen qatar jasaǵan jaqsylyǵy men atqarǵan jumysy úshin aqy suramaıtyn jandar. Men árdaıym qoldan kelgen kómegimdi elden aıamaımyn, elge kómektessem janym jadyraıdy. Biz ustazdarymyzdyń jetekshiligimen Sarqan qalasynyń ardagerlerine, kópbalaly jáne az qamtylǵan otbasylarǵa kómektesip, qala kóshelerin abattandyrý, tazalaý jumysyna belsene qatysyp kelemiz. Erikti bolý — júrektiń qalaýy. Qart adamdarǵa, jartylaı jetim, múgedek adamnyń muqtajdyǵyn túsinip, bir jaǵyna shyǵysyp kómektesýdi - boryshym dep bilemin»,-deıdi Sanjar.


Joǵary qaraı