Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elimizdegi gaz qubyrlarynyń 75 paıyzy tozǵan

2022 jyldyń 25 sáýir 2022 18:38

NUR-SULTAN. QazAqparat – Elimizdegi gaz qubyrlarynyń 75 paıyzy tozǵan. Bul týraly búgin Senattaǵy Úkimet saǵatynda Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«Energetıka mınıstrligi men QazaqGaz ulttyq kompanııasynyń taǵy bir mindeti – magıstraldyq gaz qubyrlaryn jańǵyrtý. Negizgi gaz tasymaldaý ınfraqurylymy jalpy keńes zamanynda salynǵan jáne qaýipsiz paıdalanýdy qamtamasyz etý úshin úlken ınvestıtsııany qajet etedi. Qazirgi ýaqytta birqatar gaz qubyry tolyq qýatta jumys isteıdi jáne otandyq gazdy el tutynýshylaryna turaqty jetkizýdi qoldaý úshin jańa qýattar salý qajet. Mysaly, magıstraldyq gaz qubyrlarynyń 21 paıyzy 50 jyldan astam, 50 paıyzǵa jýyǵy 40 jyldan astam ýaqyt boıy paıdalanylýda. Jalpy, tozýdyń ortasha deńgeıi 75 paıyzdan asady», - dedi ol.

Mınıstrdiń aıtýyna qaraǵanda, elimizdiń gaz tasymaldaý júıesin jańǵyrtýǵa jáne keńeıtýge eleýli qarajat salý kerek.

«Búgingi tańda gaz qubyrlarynyń aǵymdaǵy jaı-kúıin rastaý úshin QazaqGaz ulttyq kompanııasy «ILF Consulting» halyqaralyq aýdıtorlyq kompanııasyn tartyp, tehnıkalyq aýdıt júrgizýde. Onyń nátıjesinde gaz tasymaldaý júıesin jańǵyrtýǵa qajetti qarajat mólsheri anyqtalady», - dedi Bolat Aqsholaqov.


Joǵary qaraı