Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elimizdegi qarjy júıesiniń ınfraqurylymy shtattyq rejımde jumys isteýde

2022 jyldyń 21 qańtar 2022 13:31

NUR-SULTAN. QazAqparat - Qarjy júıesi men qarjy naryǵynyń ınfraqurylymy shtattyq rejımde jumys isteıdi. Bul týraly QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«Táýelsiz Qazaqstan tarıhyndaǵy buryn-sońdy bolmaǵan qaıǵyly oqıǵalarǵa baılanysty Ulttyq bank Qarjy naryǵyn retteý jáne damytý agenttigimen jáne basqa múddeli organdarmen birlesip Sizdiń tapsyrmańyz boıynsha eldegi qarjylyq jáne baǵa turaqtylyǵyn qamtamasyz etý úshin mynadaı sharalardy iske asyrdy. Tótenshe jaǵdaı rejımi kezinde bergen Sizdiń shuǵyl tapsyrmalaryńyz sheńberinde qarjy júıesi qysqa merzimde shtattyq jumys rejımine qaıta oraldy, osy jylǵy 7 qańtardan bastap halyqqa arnalǵan negizgi banktik jáne basqa da qarjylyq servıster kezeń-kezeńimen qalpyna keltirildi», dedi ol Prezıdenttiń bıznes ókildermen kezdesýi barysynda.

Onyń atap ótýinshe, bıylǵy jylǵy 10 qańtardan bastap aqsha jáne qor naryqtaryndaǵy operatsııalar qaıta iske qosyldy. Ulttyq Bank standartty quraldarǵa qosymsha Qazaqstan qor bırjasynda repo jáne svop operatsııalary arqyly ótimdilikti usyný boıynsha operatsııalar júrgizdi. Bıylǵy jylǵy 18 qańtarda jaǵdaı turaqtanǵannan keıin ótimdilikti usyný boıynsha arnaıy quraldardy paıdalaný toqtatyldy.

«Ulttyq bank naryqty qolma-qol shetel valıýtasymen jáne ulttyq valıýtamen úzdiksiz tolyqtyryp otyrýdy qamtamasyz etti, ekinshi deńgeıdegi bankterdiń barlyq suratýlary tolyq kólemde qanaǵattandyryldy. Bıylǵy jylǵy 12 qańtarda Qazaqstan qor bırjasynyń valıýtalyq alańynda tolyqqandy saýda-sattyq qaıta iske qosyldy jáne halyqaralyq tólemder men aýdarymdardy júrgizý qamtamasyz etildi. Búginde qarjy júıesi men qarjy naryǵynyń ınfraqurylymy shtattyq rejımde jumys isteıdi jáne barlyq qyzmet túrlerin kórsetedi», dedi Erbolat Dosaev.


Joǵary qaraı