Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizdegi sý tapshylyǵy problemasy qalaı sheshilýde

2021 jyldyń 4 qyrkúıek 2021 23:33

NUR-SULTAN. QazAqparat - Cýarmaly sýdyń 97% Túrkistan, Qyzylorda, Jambyl jáne Almaty oblystarynyń fermerleri tutynady. Bul týraly QazAqparat Ekologııa mınıstrligine silteme jasap habarlaıdy.

«Bıylǵy jyl elimizdiń ońtústik óńirleri úshin sý azdyǵy jaǵdaıynda ótti. Alaıda, ýaqtyly qabyldanǵan sharalar men sý sharýashylyǵy mamandarynyń kásibı jumysy arqasynda fermerler sýarmaly sýmen qamtamasyz etilip, egin shyǵynyn boldyrmaýǵa múmkindik týdy», - dedi Ekologııa, geologııa jáne tabıǵı resýrstar mınıstr Maǵzum Myrzaǵalıev.

Aıta ketý kerek, sýarmaly sýdyń 97% Túrkistan, Qyzylorda, Jambyl jáne Almaty oblystarynyń fermerleri tutynady.

Sý azdyǵy boljanǵannan keıin jyl basynan bastap Aýyl sharýashylyǵy mınıstrligimen birlesip óńirlerge issapar uıymdastyryldy. Onda jergilikti atqarýshy organdar men fermerler múmkin táýekelder jáne kúrdeli vegetatsııalyq kezeńge daıyndyq qajettiligi týraly aldyn ala habardar etildi.

Bul sýarmaly sýmen qamtamasyz etý boıynsha tıimdi sharalar paketin ázirleýge múmkindik berdi.

Máselen, Túrkistan oblysynda maqta alqaby 17,9 myń gektarǵa, Qyzylorda oblysynda kúrish – 7,1 myń gektarǵa, Almaty oblysynda kúrish - 2,4 myń gektarǵa qysqartyldy.

Sondaı-aq, sý azdyǵyn eskere otyryp, sýarý kezeginiń kestesi ázirlendi, qosymsha sorǵylar ornatylyp, kollektorlyq-drenajdyq sýlar qaıta paıdalanyldy.

Sonymen qatar, vegetatsııalyq kezeńniń basynda «Toqtoǵul» (Qyrǵyzstan) sý qoımasynyń tolymdylyǵy tek 52% - dy qurady. Degenmen, Syrdarııa ózeniniń joǵarǵy aǵysyndaǵy eldermen kelissózder nátıjesinde (Qyrǵyzstan, Tájikstan jáne Ózbekstan) Túrkistan jáne Qyzylorda oblystarynyń fermerleri «Toqtoǵul» jáne «Bahrı Tochık» sý qoımalarynan qosymsha 700 mln tekshe metr sý aldy, bul ótken jylmen salystyrǵanda 24% - ǵa artyq.

Shý-Talas basseıninde de kúrdeli jaǵdaı qalyptasty. Máselen, bıyl «Kırovskoe» sý qoımasynda (Talas ózeni, Qyrǵyzstan) burynǵyǵa qaraǵanda 20%-ǵa az sý jınaqtalǵan. Sondaı-aq, vegetatsııalyq kezeńde taýlardaǵy tómen temperatýranyń saldarynan «Orto-toqoı» sý qoımasyna (Shý ózeni, Qyrǵyzstan) sýdyń az kelýi baıqaldy. Osyǵan qaramastan, qyrǵyz tarapymen birneshe ret júrgizilgen kelissózderdiń nátıjesinde Jambyl oblysynyń sharýa qojalyqtaryn sýarmaly sýmen qamtamasyz etýge múmkindik týdy.

«Bıylǵy jyldyń tájirıbesi qabyldanǵan sharalardyń tıimdiligin kórsetti. Alaıda, bizge sýdy utymdy paıdalanýǵa kóshý, sýmen jabdyqtaýdy tsıfrlandyrý, qazirgi zamanǵy sý únemdeý tehnologııalaryn paıdalaný jáne qoldanystaǵy kanaldardy qaıta jańǵyrtý boıynsha jumystardy jedeldetý qajet», - dedi Maǵzum Myrzaǵalıev.


Joǵary qaraı